धक्कादायक घटना! केज तालुक्यात युवकाची गळा चिरून निर्घुन हत्या.

केज (प्रतिनिधी): बीड जिल्ह्यातील केज तालुक्यात एका युवकाची गळा चिरून निर्घुन पद्धतीने हत्या केल्याची घटना उघडकीस आल्याने केज मध्ये एकाच खळबळ उडाली आहे. केज तालुक्यात एका पाठोपाठ एक घटना समोर येत असल्याने नागरिकांमध्ये भीतीचं वातावरण निर्माण झाले आहे. तालुक्यातील हनुमंत पिंपरी शिवारात एका २५ वर्षीय तरुणाची गळा चिरून हत्या करण्यात आल्याची धक्कादायक घटना उघडकीस आली आहे. या घटनेमुळे संपूर्ण परिसरात खळबळ उडाली असून, पोलिसांनी तातडीने गुन्ह्याचे गांभीर्य लक्षात घेता तपासाला वेग वाढवत एका संशयिताला बेड्या ठोकल्या आहेत.

या प्रकरणात मिळालेल्या अधिकच्या माहितीनुसार, केवड आणि हनुमंत पिंपरीच्या शिवारात एका युवकाचा रक्ताच्या थारोळ्यात मृतदेह आढळून आला. यावेळी नागरिकांनी पाहणी केली असता विक्की उर्फ आण्णा रावसाहेब चंदनशिव (वय २५ वर्ष) असे मृत तरुणाचे नाव असल्याचे समोर आले. विक्कीचा मृतदेह रक्ताच्या थारोळ्यात पडलेला पाहून असे लक्षात आले की अज्ञात हल्खोराने विक्कीच्या गळ्यावर तीक्ष्ण हत्याराने वार केले होते. जखम खोल असल्याने मोठ्या प्रमाणावर रक्तस्त्राव झाला आणि त्यातच त्याचा मृत्यू झाला असल्याचे समोर येत आहे सकाळी साडे दहाच्या सुमारास ही घटना ग्रामस्थांच्या निदर्शनास आली आल्यामुळे खरा प्रकार समोर आला आहे. आणि या घटनेमुळे संबंध केज तालुक्यात आता एकच खळबळ उडाली आहे.

या बाबद घटनेची माहिती मिळताच केज येथील पोलीस दलासह वरिष्ठ अधिकाऱ्यांनी घटनास्थळी धाव घेतली. यामध्ये अप्पर पोलीस अधीक्षक चेतना तिडके, उपविभागीय पोलीस अधिकारी व्यंकटेश देशपांडे, पोलीस निरीक्षक स्वप्नील उनवणे व महेश क्षीरसागर, पोलीस उपनिरीक्षक उमेश निकम, इनामदार आणि अशोक सोनवणे यांनी घटनास्थळाचा तत्काळ पंचनामा करून मृतदेह उत्तरीय तपासणीसाठी रुग्णालयात दाखल करण्यात आला आहे या अनुषंगाने तपास वेगाने सुरू केला असल्याचे संबंधित पोलिसांच्या वतीने सांगण्यात आले आहे.

या प्रकरणी पोलिसांनी घटनेचे गांभीर्य लक्षात घेत तत्परता दाखवत महेश चंदनशिव नावाच्या संशयित आरोपीला काही वेळातच ताब्यात घेतले आहे. अद्याप घटनेचे नेमके कारण समोर येऊ शकले नाही मात्र हा खून जुन्या वादातून झाला की अन्य काही कारणातून, याचा तपास पोलीस करत आहेत. भरदिवसा घडलेल्या या घटनेमुळे तालुक्यात भीतीचे वातावरण निर्माण झाले आहे