परळी (प्रतिनिधी) : कोरोना विषाणूचा प्रादुर्भाव रोखण्यासाठी शासन व प्रशासनाच्या वतीने उत्तम प्रयत्न होत आहे. तसेच परळी नगर परिषदेच्या वतीने ही स्वच्छतेबाबत विशेष लक्ष देण्यात येत आहे.
स्वच्छता ठेवण्याचे महत्त्वाचे काम सफाई कामगार करत आहे. सफाई कामगार स्वतःचा जीव धोक्यात घालून शहर स्वच्छ ठेवण्याची महत्त्वपूर्ण कामे करत आहे. अशा स्वच्छता कामगारांचा पेठ मोहल्ला परिसरातील नागरिकांतर्फे विशेष सत्कार करण्यात आला.
या स्वच्छतादूतांचा पुष्पगुच्छ व शाल देऊन सत्कार करण्यात आला.
जमात ए इस्लामी हिंद व मूव्हमेंट फाॅर पिस अॅन्ड जस्टीस या संघटनेच्या संयुक्त विद्यमाने न.प. च्या स्वच्छता कर्मचाऱ्यांचा सत्कार करून कृतज्ञता व्यक्त करण्यात आली.
सय्यद सबाहत अली, सय्यद उमेर, शेख मुदस्सीर, सय्यद वजाहत अली, सय्यद मजहर, सय्यद इम्रान, सय्यद इरफान, अब्दुल गणी यांच्या पुढाकाराने सत्काराचे आयोजन करण्यात आले.
No comments:
Post a Comment