केज (प्रतिनिधी) कुणबी नोंदीचा शोध घेण्याचे काम सध्या महाराष्ट्रात सुरू आहे. भूमी अभिलेख कार्यालयात तालुक्यातील विविध गावच्या नोंदी तपासल्या जात आहेत. मोडी लिपी वाचक केज येथील कार्यालयात दोन दिवसांपासून या नोंदी तपासत आहेत. त्यामध्ये केज तालुक्यातील मौजे चंदनसावरगाव येथील जवळपास दीडशे वर्षांपूर्वीच्या आसपासच्या कुणबी नोंदी दिसून आल्या आहेत. या तपासणीत सध्या जवळजवळ 74 नोंदी जुळून आल्या आहेत.
केज येथील भूमी अभिलेख कार्यालयात सोमवारी चंदनसावरगाव येथील कुणबी नोंदी, मोडी लिपी वाचक वैभव जगताप साहेब, भूमी अभिलेख कार्यालयाचे कळेकर साहेब व त्यांच्या सर्व टिमने तपासल्या असता त्यामध्ये जवळपास 180 पेक्षा जास्त कुणबी नोंदी निदर्शनास आल्या परंतु नोंदीचे कागद काही जीर्ण झालेले असल्याने त्यापैकी सध्या जवळपास 74 नोंदी जुळून आल्या आहेत. या नोंदी तपासणीसाठी चंदनसावरगाव येथील गावकरी मोठ्या संख्येने रात्री उशिरापर्यंत भूमी अभिलेख कार्यालयात बसून होते, या नोंदीची खात्री झाल्यावर त्यांनी मोठा आनंद व्यक्त केला. यावेळी चंदनसावरगावचे प्रसिद्ध मराठा आरक्षण आंदोलक उपोषणकर्ते डिगांबर तपसे यांच्यासह संजय तपसे, बालासाहेब तपसे, दत्ता तपसे, राहुल तपसे, अनिकेत तपसे, गणेश नखाते आणि पत्रकार रामदास तपसे इत्यादींची उपस्थीती होती . मोडी लिपी वाचक वैभव जगताप साहेब व भूमी अभिलेख कार्यालयाचे कळेकर साहेब आणि त्यांच्या सर्व स्टाफने आपला पुर्ण वेळ देऊन दिवसभर व रात्री उशिरापर्यंत देखील अथकपणे केज तालुक्यातील विविध गावच्या नोंदी तपासल्या, त्याबद्दल त्यांचे मराठा समाजाकडून आभार व्यक्त करण्यात येत आहेत.
No comments:
Post a Comment