पेट्रोल आणि डिझेल लवकरच स्वस्त होणार.

• 
  

* गेल्या अनेक दिवसांपासून पेट्रोल आणि डिझेलच्या दरात बदल झालेला नसला तरी पेट्रोल आणि डिझेलच्या महागाईचा सर्वसामान्यांवर परिणाम झाला.

नवी दिल्लीः देशांतर्गत तेल कंपन्यांनी सलग 24 दिवस पेट्रोल-डिझेलच्या किमतीत कोणताही बदल केलेला नाही. गेल्या अनेक दिवसांपासून पेट्रोल आणि डिझेलच्या दरात बदल झालेला नसला तरी पेट्रोल आणि डिझेलच्या महागाईचा सर्वसामान्यांवर परिणाम झालाय.

तेलाच्या महागाईपासून दिलासा मिळण्याची शक्यता

परंतु येत्या काही दिवसांत सर्वसामान्यांना तेलाच्या महागाईपासून दिलासा मिळण्याची शक्यता आहे. कारण गेल्या दीड आठवड्यांत आंतरराष्ट्रीय बाजारात कच्च्या तेलाची किंमत 7 टक्क्यांनी खाली आलीय. तज्ज्ञ म्हणतात की, कच्च्या तेलाच्या घसरणीचा फायदा सामान्य माणसाला मिळू शकेल. IIFL सिक्युरिटीजचे उपाध्यक्ष (कमोडिटी अँड करन्सी) अनुज गुप्ता म्हणतात की, साथीच्या रोगामुळे तेलाची मागणी कमी झाल्याने कच्च्या तेलाच्या किमती खाली आल्यात.

7 टक्के क्रूड तेलाची किंमत घसरली

मागणीअभावी कच्च्या तेलाच्या किमतींवर परिणाम झालाय. तसेच एक ते दीड आठवड्यात किमतीत 7 टक्के घसरण नोंदवली गेलीय. मागणी कमकुवत झाल्यास किमती आणखी खाली येऊ शकतात. देशातील काही शहरांमध्ये पेट्रोलची किंमत प्रतिलिटर 100 रुपयांच्या पुढे गेलीय. देशाची राजधानी दिल्लीत एक लिटर पेट्रोलची किंमत 91.17 रुपये आहे. त्याचबरोबर डिझेलची किंमत प्रतिलिटर 81.47 रुपये आहे. मुंबईत पेट्रोलची किंमत प्रतिलिटर 97.57 रुपये झालीय.

पेट्रोल आणि डिझेल आणखी स्वस्त होऊ शकते

अनुज गुप्ता म्हणाले की, जर कच्च्या तेलाचे दर अशाच पद्धतीने घसरत राहिले तर सर्वसामान्यांना याचा फायदा मिळू शकेल. तेल कंपन्या पेट्रोल आणि डिझेलच्या किमती कमी करू शकतात.

सरकारला मोठा पैसा मिळतो

घरगुती तेल कंपन्यांनी सलग 24 व्या दिवशी पेट्रोल आणि डिझेलच्या दरात कोणताही बदल केलेला नाही, परंतु सरकारने तेलातून मोठी कमाई केलीय. केंद्र सरकारच्या पेट्रोल आणि डिझेलवरील कर संग्रह गेल्या सहा वर्षांत 300 टक्क्यांहून अधिक वाढला. चालू आर्थिक वर्ष 2020-21च्या पहिल्या दहा महिन्यांत पेट्रोल आणि डिझेलवरील कर संकलन 2.94 लाख कोटी रुपयांवर पोहोचले. वित्त राज्यमंत्री म्हणाले, 2014-15 या आर्थिक वर्षात पेट्रोल, डिझेल आणि गॅस महसूल संकलन 5.4 टक्के होते, जे चालू आर्थिक वर्षात 12.2 टक्क्यांपर्यंत वाढले.