नातीसमोरच सासऱ्याने सुनेला क्रूरपणे संपवलं.अनैतिक संबंधांना विरोध केल्याने हत्या.

पुणे (प्रतिनिधी) : सासऱ्याने नातीसमोरच सुनेची हत्या केल्याची धक्कादायक घटना समोर आली आहे. पुणे जिल्ह्याच्या खेड तालुक्यातील वाफगाव येथे ही घटना घडली आहे. अनैतिक प्रेम संबंधाना सुनेचा विरोध असल्याने सासऱ्यांना तिचा अशा पद्धतीने काटा काढला आहे.

दिनकर कोळी असं आरोपी सासऱ्याचं नाव आहे. दिनकर कोळी याचे एक महिलेशी अनैतिक प्रेम संबध होते. या प्रेम संबधांना सुनेने वारंवार विरोध केला होता. मात्र सुनेचा विरोध सासऱ्याला मान्य नव्हता. 

दरम्यान याच रागातून सासरा दिनकर कोळी याने घरात कोणीही नसल्याचा फायदा घेत सुनेची हत्या केली. आपल्या चिमुकल्या नातीच्या समोरच सून मेघा कोळी हिच्या तोंडात बोळा कोंबून गळा आवळून हत्या केली. या प्रकरणी दिनकर कोळी याच्यावर राजगुरुनगर पोलिसांत खुनाचा गुन्हा दाखल करण्यात आला आहे.