परळी वैजनाथ (प्रतिनिधी) शिवसेनेच्या अगदी स्थापनेपासून सोबत असलेले अभयकुमार ठक्कर हे आजही शिवसेनेत कायम असून परळी शहर व तालुक्यात शिवसेना वाढविण्यात त्यांचे मोठे योगदान आहे अशी ओळख माजी मंत्री आ.धनंजय मुंडे यांनी खा.संजय राऊत यांच्यासोबत करून दिल्यानंतर काही वेळ राऊत आणि ठक्कर यांच्यात संवाद झाला. शिवसेना आणखी मजबुत करा, तुम्ही बाळासाहेबांचे सच्चे शिवसैनिक आहात, आपल्याला शिवसेना पुन्हा एकदा मोठया जोमाने उभी करायची आहे अशी सूचना खा.संजय राऊत यांनी दिली.
बीड येथील महाप्रबोधन यात्रेसाठी खा.संजय राऊत हे रवाना होत असतांना त्यांच्या समवेत परळी येथे अनेकांनी संवाद साधला. यावेळी बोलतांना वैद्यनाथ मंदिरात अभयकुमार ठक्कर यांची ओळख खा.संजय राऊत यांच्यासोबत माजी मंत्री आ.धनंजय मुंडे यांनी करून दिली. अभयकुमार ठक्कर हे शिवसेनेच्या स्थापनेपासून सोबत असल्याचे सांगत दिवंगत शिवसेनाप्रमुख बाळासाहेब ठाकरे व माँ साहेब मीनाताई ठाकरे या ठक्कर यांच्या निवासस्थानी उतरल्याची आठवण आ.धनंजय मुंडे यांनी करून दिली. त्याचा संदर्भ घेत संजय राऊत यांनी सांगितले की, शिवसेनेत निष्ठावंतांची नेहमीच कदर केली जाते. आपण शिवसेनेला मोठे यश यापूर्वी मिळवून दिले असून भविष्यातही असेच यश मिळवून द्याल असा विश्वासही खा.संजय राऊत यांनी व्यक्त केला.
दरम्यान बीड येथे महाप्रबोधन यात्रेदरम्यान शिवसेना नेते खा.संजय राऊत, माजी खा.चंद्रकांत खैरे व अभयकुमार ठक्कर यांच्यामध्ये विविधि विषयावर चर्चा झाली. यावेळी आम्ही करत राहू, आपले सहकार्य असेच कायम राहु द्या असे आवाहन यावेळी अभयकुमार ठक्कर यांनी खा.संजय राऊत यांना केला.
No comments:
Post a Comment