परळीत परिवर्तन घडवून आणण्यासाठी भाजपला साथ द्या-खासदार डॉ.प्रितमताई मुंडे.

* नगरसेवक प्रा.पवन मुंडे यांच्या पुढाकाराने प्रभाग क्र.13 मध्ये ई-श्रम कार्डचे वितरण.

परळी वैजनाथ, (बातमीदार) - परळी शहरात परिवर्तन घडवून आणण्यासाठी भाजपला साथ द्या असे आवाहन खासदार डॉ.प्रितमताई मुंडे-खाडे यांनी केले.

परळी शहरातील प्रभाग क्रमांक 13 मध्ये भाजपचे नगरसेवक प्रा.पवन मुंडे यांनी शुक्रवारी (दि.28) आयोजित केलेल्या ई-श्रम कार्ड वितरणाच्या कार्यक्रमात खासदार डॉ.मुंडे बोलत होत्या. या कार्यक्रमास वैद्यनाथ देवस्थान संस्थेचे सचिव राजेश देशमुख, वैद्यनाथ बँकेचे अध्यक्ष विनोद सामत, माजी अध्यक्ष अशोक जैन, भाजपचे तालुकाध्यक्ष सतीश मुंडे, भारतीय जनता युवा मोर्चाचे जिल्हाध्यक्ष निळकंठ चाटे, महिला आघाडीच्या डॉ.शालीनीताई कराड, युवक नेते महादेव इटके, किशोर केंद्रे, जेष्ठ नेत्या सुशिला फड, सुचिता पोखरकर, नंदा पुरभुज, नरसिंग सिरसाट, सचिन गित्ते, पवन मोदाणी,अनिश अग्रवाल,पवन तोडकरी, विजयकुमार खोसे, , विशाल मुंडे , राजेश आघाव, दीपक नागरगोजे विशाल कराड कानाकेंद्रे, आकाश मुंडे, बाळासाहेब फड, सुरेश सातभाई, विशाल मुंडे, गणेश स्वामी, महेश मुंडे, दीपक धुमाळ, कारभारी शिंदे, पवन तोडकरी, विशाल जाधव, किरण शिंदे, सचिन साखरे, योगेश गोमचाळे, नवरतन शर्मा यांच्यासह प्रभागातील नागरिक, महिला उपस्थित होत्या.

खासदार डॉ.प्रितमताई मुंडे म्हणाल्या, भाजपच्या राष्ट्रीय सचिव पंकजाताई मुंडे यांनी आपल्या मंत्रिपदाच्या काळात परळीसह जिल्हयाच्या विकासासाठी विविध विकास योजना खेचून आणल्या आहेत, त्याचे नारळ फोडण्याचे काम आज चालू आहे, विकास योजनेचे खरे श्रेय पंकजाताईंनाच आहे, परळी शहराची आवस्था बकाल झाली आहे, विकासाच्या नावाखाली नुसता भ्रष्टाचार चालू असून येत्या नगर पालिकेच्या निवडणुकीत शहरात परिवर्तन घडविण्यासाठी भाजपला साथ द्या असे आवाहन खासदार डॉ.प्रितमताई मुंडे यांनी केले. पंतप्रधान नरेंद्र मोदी यांनी सर्वसामान्यांच्या हिताच्या विविध योजना आणल्या असून त्याचा लाभ घेण्याचे त्यांनी केले. प्रा.पवन मुंडे यांनी आपल्या प्रभागात विविध विकास योजना प्रभावीपणे राबविल्या असून शहरात विकासाचे काम त्यांनी उभे केले आहे, पुढील काळात त्यांच्या पाठीशी खंबीरपणे उभे रहावे असे आवाहन खासदार डॉ.मुंडे यांनी केले. 

प्रास्ताविक नगरसेवक प्रा.पवन मुंडे यांनी केले. प्रभागात राबविलेल्या विविध विकास योजनांची माहिती त्यांनी यावेळी दिली. भाजपच्या जेष्ठ नेत्या पंकजाताई मुंडे, खासदार डॉ.प्रितमताई मुंडे यांच्यामुळे प्रभागात विविध विकास योजना आपण राबवू शकलो असेही ते म्हणाले. निळकंठ चाटे, डॉ.शालीनीताई कराड, राजेश देशमुख यांनी यावेळी विचार मांडले. सुत्रसंचालन चंद्रकांत देवकते यांनी तर आभार प्रदर्शन योगेश पांडकर यांनी केले. प्रभागातील 250 नागरिकांना यावेळी ई-श्रम कार्डचे वाटप यावेळी उपस्थित मान्यवरांच्या हस्ते करण्यात आले.