धर्मांतर करून इस्लाम स्विकारायला विरोध केल्यामुळे एका अल्पवयीन मुलीवर सामूहिक बलात्कार केल्याची क्रूर घटना समोर आली आहे. धक्कादायक बाब म्हणजे या बलात्काराच्या घटनेतून ही पिडीत मुलगी गरोदर राहिली असून तिने एका मृत बालकाला जन्मही दिला. नाशिक जवळील मालेगाव येथे ही घटना घडली असून ही अल्पवयीन मुलगी मूळची मध्य प्रदेशची रहिवासी आहे. या संपूर्ण घटनेत लव्ह जिहादचाही पैलू असून मुख्य आरोपीने आपली मूळ ओळख लपवून हिंदू नाव धारण करत या पिडीत मुलीशी मैत्री केली होती.
मध्यप्रदेशमधील १५ वर्षीय अल्पवयीन मुलगी ही कामानिमित्त मालेगाव येथे येऊन स्थायिक झाली होती. तिथे २३ वर्षांच्या माजिद खान या युवकाने स्वतःला मोहित असल्याचे भासवत त्या मुलीशी मैत्री केली. लग्नाचे अमिष दाखवत त्या मुलीचा गैरफायदा घेण्यात आला. त्यानंतर गेल्या वर्षी ऑक्टोबर महिन्यात मोहित उर्फ माजिद खानकडून धर्मांतरासाठी तिच्यावर जबरदस्ती करण्यात आली. पण धर्मांतरासाठी तिने नकार दिल्यावर माजिद आणि त्याच्या इतर तीन मित्रांनी मिळून त्या अल्पवयीन मुलीवर सामूहिक बलात्कार केला.
ही घटना घडल्यानंतर ती पिडीत मुलगी उज्जैन येथे आपल्या बहिणी सोबत राहण्यास आली. या वर्षी एप्रिल महिन्यात पिडीतेच्या पोटात दुखू लागले. उपचारासाठी रुग्णालयात दाखल केल्यावर ती गरोदर असल्याचे समोर आले. त्या पिडीत मुलीची प्रिमॅच्युअर डिलिव्हरी पार पडली असून तिने एका मृत बाळास जन्म दिला. रुग्णालयात असताना या पिडीत मुलीने रुग्णालयातील एका महिलेला घडलेला सारा प्रकार सांगितला. त्यानंतर त्या महिलेने एका हिंदू संघटनेच्या स्थानिक कार्यकर्त्यांशी आणि पोलिसांची संपर्क साधला.
या विषयात मध्य प्रदेश पोलिसांनी पॉस्को कायद्याअंतर्गत तसेच मध्यप्रदेशच्या धार्मिक स्वातंत्र्य कायद्याच्या अंतर्गत गुन्हा दाखल केला आहे. उज्जैनचे अतिरिक्त पोलिस अधीक्षक अमरेंद्र सिंह यांनी याविषयी माहिती दिली असून महाराष्ट्र पोलिसांच्या सहकार्याने या प्रकरणातील मुख आरोपी असलेल्या माजिद खानला अटक करण्यात आली आहे. पिडीत मुलीच्या सहाय्याने खान याला उज्जैन येथे बोलावण्यात आले असून त्याला अटक करण्यात आली आहे.
No comments:
Post a Comment