जगदविवेक प्रतिष्ठानच्यावतीने आई या विषयावर आॕनलाईन निबंध स्पर्धाचे आयोजन विजेत्या स्पर्धकास रोख पारितोषिके.

 

बीड ( प्रतिनिधी ) आदर्श मुख्याध्यापिका कै.श्रीमती जगदेवी विवेक स्वामी यांच्या जन्मदिन स्मृतिदिना  निमित्त आई या विषयावर ऑनलाइन निबंध स्पर्धेचे आयोजन करण्यात आले आहे. स्पर्धकाने 25 जून रोजी सायंकाळी आठ वाजेपर्यंत आपले निबंध कमीत कमी शब्दांमध्ये जास्तीत जास्त अर्थपूर्ण भाषेमध्ये 98 22 62 85 21 या व्हाट्सअप नंबर वर पाठवायचे आहेत. या स्पर्धेत विजेत्या स्पर्धकांना रोख पारितोषिके दिले जाणार असून सर्व सहभागी स्पर्धकांना ऑनलाइन प्रमाणपत्र पाठवण्यात येणारआहेत. या स्पर्धेत जास्तीत जास्त स्पर्धकाने सहभाग नोंदवावा असे आवाहन जगद विवेक प्रतिष्ठानच्या वतीने करण्यात आले आहे.

 दर वर्षी दिनांक 25 जून रोजी जगदविवेक प्रतिष्ठानच्यावतीने कै.आदर्श मुख्याध्यापक विवेक सदाशिव स्वामी आणि आदर्श मुख्याध्यापिका जगदेवी विवेक स्वामी यांच्या स्मृतीस अभिवादन करत जन्म दिनाचे औचित्य साधून गुणवंत विद्यार्थ्यांचा यथोचित सत्कार करून गुणवंत विद्यार्थ्यांमधून प्रथम, द्वितीय आणि तृतीय विद्यार्थ्यांना रोख  पारितोषिक मान्यवरांच्या शुभहस्ते देवून  गौरविण्यात येण्याची परंपरा मागील सात वर्षांपासून सुरू आहे.आदर्श मुख्याध्यापिका जगदेवी विवेक स्वामी यांनी सुरू केलेली ही परंपरा त्यांच्या अकाली मृत्यू नंतर देखील पुढे सातत्याने आयोजित करण्यात येणार आहे. मात्र यावर्षी कोरोना महामारीमुळे दहावी आणि बारावीच्या  परीक्षा झालेल्या नाहीत, निकाल अद्याप जाहीर झालेले नाहीत. त्यामुळे गुणवंत विद्यार्थ्यांचा सत्कार आयोजित करणे शक्य नाही. त्यामुळे या वर्षी आदर्श मुख्याध्यापिका कै. जगदेवी विवेक स्वामी यांच्या स्मृती पश्चात आई या विषयावर ऑनलाइन निबंध स्पर्धेचे खुले आयोजन करण्यात आले आहे.या स्पर्धेमध्ये कोणताही स्पर्धक सहभाग घेऊ शकतो. पहिली ते सातवी पर्यंत बाल गट ,आठवी ते बारावी पर्यंत मध्यम गट आणि बारावीच्या पुढे कोणीही या स्पर्धेत खुल्या प्रवर्गातून सहभाग घेऊ शकतो. प्रत्येक प्रवर्गातून प्रथम, द्वितीय आणि तृतीय असे विजेते काढण्यात येतील.  विजेत्या स्पर्धकांना प्रथम रोख 201 रुपये ,द्वितीय येणाऱ्याला 151 रुपये आणि तृतीय येणाऱ्याला 101 रुपयांचे रोख बक्षीससह  स्मृती प्रमाणपत्र देण्यात येणार आहे. या स्पर्धेत सहभागी होणाऱ्या प्रत्येक स्पर्धकांना ऑनलाइन ने स्मृति प्रमाणपत्र पाठवण्यात येणार आहे. सदरील स्पर्धा जगदविवेक प्रतिष्ठानच्यावतीने आयोजित करण्यात आली असल्याची माहिती प्रतिष्ठानचे अध्यक्ष विकास विवेक स्वामी आणि  सचिव वैभव विवेक स्वामी यांनी प्रसिद्धी पत्रकान्वये दिली आहे.

*आईच्या स्मृतीप्रित्यर्थ वृक्षारोपणाचे आयोजन. 

आदर्श मुख्याध्यापिका जगदेवी विवेक स्वामी यांचे 19 जानेवारी 2021 रोजी अल्पशा आजाराने दुःखद निधन झाले. त्यांच्या पश्चात प्रतिवर्षाप्रमाणे त्यांच्या जन्मदिनी सामाजिक उपक्रमाने वाढदिवस साजरा करण्याची परंपरा याहीवर्षी जोपासली जाणार आहे. स्मृती दिनाचे औचित्य साधून एका जिल्हा परिषद शाळेत वृक्षारोपण करण्यात येणार आहे. याशिवाय ज्या ही व्यक्तींना स्मृतिप्रीत्यर्थ वृक्षारोपण करायचे आहे, त्यांनी आशीर्वाद निवास, छत्रपती कॉलनी, क्रांतीनगर ,तहसीलच्या पाठीमागे,बीड येथे प्रत्यक्ष येऊन एक झाड घेऊन जायचे आहे. या आयोजनाचा जास्तीत जास्त वृक्ष प्रेमींनी लाभ घ्यावा असे आवाहन संयोजकांच्या वतीने करण्यात आले आहे.