नांदेड (प्रतिनीधी ) काँग्रेसचे कार्यकर्ते आणि व्यापारी बाजीराव हंबर्डे यांचा मृतदेह रस्त्यात सापडल्यामुळे नांदेडमध्ये एकच खळबळ उडाली आहे. हंबर्डे हे नांदेडमधील काँग्रेस आमदार मोहन हंबर्डे यांचे जवळचे नातेवाईक होते. बाजीराव हंबर्डे यांच्या हत्ये प्रकरणी गुन्हा दाखल करण्यात आला आहे.

विष्णुपुरो भागातील व्यापारी बाजीराव हंबर्डे हे नांदेडमधील काँग्रेसचे कार्यकर्ते होते. शुक्रवारी त्यांचा मृतदेह नांदेडच्या वाघाळा रोडवर आढळला. त्यांच्या मृतदेहाजवळ बाईकही सापडली आहे. बाजीराव हंबर्डे यांच्या हत्येचं नेमकं कारण अद्याप अस्पष्ट आहे. त्यांची हत्या कोणी केली, हेही अद्याप समजलेलं नाही. बाजीराव हंबर्डे हे नांदेड दक्षिण विधानसभा मतदारसंघाचे काँग्रेस आमदार मोहन हंबर्डे यांचे जवळचे नातेवाईक होते. बाजीराव हंबर्डे यांच्या भावाच्या तक्रारीवरुन हत्या प्रकरणी अज्ञात आरोपींच्या विरोधात गुन्हा दाखल करण्यात आला आहे. त्यांची राजकीय किंवा व्यावसायिक वैमनस्यातून झाली, की अन्य कारणामुळे याचा शोध पोलीस घेत आहेत.