राजपूत रजक समाजासाठी सभागृहाच्या बांधकामाचे आ.हेमंत पाटील यांच्या हस्ते भूमिपूजन .

नांदेड (प्रतिनिधी) रविवार, दिनांक २२ जून रोजी राजपूत रजक समाजासाठी स्वतंत्र सभागृहाच्या बांधकामाचे भूमिपूजन गाडीपुरा नांदेड येथे नांदेड दक्षिणचे मा. आमदार हेमंत पाटील यांच्या शुभहस्ते विधीवत पार पडले. 

या वेळी प्रमुख पाहुणे म्हणून  आमदार आनंदराव बोढारकर, मनपा विरोधी पक्षनेते श्री. दीपक रावत, परळीचे माजी नगराध्यक्ष  तथा शिवसेना उपजिल्हाप्रमुख अभयकुमार ठक्कर उपस्थित होते.

कार्यक्रमास राजपूत समाजाचे सतीश परदेशी, राजू परदेशी, सुरज परदेशी यांच्यासह  संजय सोमाणे, सामाजिक कार्यकर्ते कारभारी शिंदे, शिवसेना उपशहरप्रमुख किसन बुंदेले यांची विशेष उपस्थिती होती.

या सभागृहाच्या उभारणीमुळे राजपूत रजक समाजाच्या सांस्कृतिक, सामाजिक व शैक्षणिक उपक्रमांना मोठा आधार मिळणार असून समाजबांधवांनी एकत्र येऊन सदर उपक्रमाचे स्वागत केले.कार्यक्रमाचे आयोजन उत्साहात पार पडले असून समाजबांधवांमध्ये नवचैतन्य निर्माण झाले आहे.