भूतदया सर्व श्रेष्ठ समाजसेवा. पुराच्या पाण्यात अडकलेल्या मुक्या जीवाची सुखरूप सुटका.

बीड (प्रतिनिधी) गेल्या अनेक दिवसां पासून पावसामुळे महाराष्ट्र सह बीड जिल्ह्यात हाहाकार चालू आहे यामुळे खूप मोठी जिवित हानी पशुपालन हानी पिकांचे नुकसान इत्यादी अनेक संकटांना सामोरे जावे लागत आहे आशा परिस्थितीत सर्वानी सावध व काळजी घेणे आवश्यक आहे.

बीडमध्ये आज झालेल्या पावसामुळे कर्परा नदी पात्रात मोठ्या प्रमाणात पाणी आले या पाण्यात पुलाखाली काही गायी अडकल्या होत्या त्यांना बाहेर काढण्यासाठी माजी न.प.सभापती समाजसेवक सामाजिक कार्यकर्ते विलासभाऊ विधाते प्रजापत्रचे उपसंपादक समीर लव्हारे, डाॅ.गणेश काळे यांच्या तत्परतेमुळे व नगरपालिका अग्निशामक दलाच्या कर्मचाऱ्यांच्या प्रयत्नांना मुळे रात्रभर पुराच्या पाण्यात अडकलेल्या मुक्या जीवाची सुखरूप सुटका केली.

सद्य स्थिती पहाता आपत्कालीन परिस्थितीत जिल्हा आणि नगरपालिका प्रशासन सज्ज आहेच तरी नदी पात्रातील आणि परिसरातील नागरीकांनी सर्तक राहावे काही आपत्कालीन परिस्थिती ओढवल्यास फोन करावा असे आवाहन विलासभाऊ विधाते यांनी केले.