ह.भ.प.जनाई महाराज कोकाटे यांचे रांजनी कारखाना येथे कीर्तन नवयुवक गणेश मंडळ, रांजणी आयोजित अखंड हरिनाम सप्ताह.

परळी वैजनाथ (प्रतिनिधी):नवयुवक गणेश मंडळ, रांजणी ता.कळम जि.धाराशिव यांच्या वतीने सुरू असलेल्या भव्य अखंड हरिनाम सप्ताह व ज्ञानेश्वरी पारायण सोहळ्याचा एक विशेष आकर्षण म्हणजे रविवार, दि. ३१ ऑगस्ट २०२५ रोजी : श्री बी.बी.ठोंबरे  साहेब यांच्या स्मरणार्थ महाप्रासाद स्थळ, रांजणी, ता.कळम, जि.धाराशिव येथे  सुप्रसिद्ध भागवताचार्य तथा शिवपुराण कथा प्रवक्त्या बाल कीर्तनकार ह.भ.प. जनाई महाराज कोकाटे यांचे कीर्तन होणार आहे.

या दिवशी संध्याकाळी होणाऱ्या कीर्तनासाठी परिसरातील भाविकांमध्ये मोठी उत्सुकता आहे. भक्तिमय वातावरणात होणाऱ्या या कीर्तन सोहळ्यासाठी भाविकांनी मोठ्या संख्येने उपस्थित राहावे, असे आवाहन आयोजक मंडळाच्या पदाधिकाऱ्यांनी केले आहे.

कार्यक्रमानुसार दररोज पहाटे काकडा, दुपारी  हरिपाठ, सकाळी प्रवचन, दुपारी महाप्रसाद, सायंकाळी कीर्तन आणि रात्री हरिपाठ-आरती असा भक्तिमय क्रम सुरू असून सर्वत्र आध्यात्मिक उर्जा अनुभवायला मिळत आहे.