परळी वैजनाथ (प्रतिनीधी) परळी वै. नगर परिषदेच्या हलगर्जीपणामुळे शहरातील बाजारपेठेसह इतर भागातील रस्त्यावर पाणीच पाणी जमा झाले असून शहरातील रस्त्याने चालताना नागरीकांना कसरत करावी लागत आहे.
परळी वै. शहरातील बाजार पेठ आणि इतर परिसरातील रस्त्यावर पाणीच पाणी जमा होत असून परळी नगर परिषदेकडून पावसाळ्याच्या तोंडावर होणारे शहरातील नाले साफ सफाईची कामे पूर्ण न झाल्याने पाऊस पडला की शहरातील रस्त्यावर पाणीच पाणी जमा होताना दिसत आहे. शहरातील काही ठिकाणी नाल्या घाणीने आणि कचऱ्याने गच्च भरल्याचे शहरातील नाल्या पावसाच्या पाण्याने गच्च भरून वाहत आहेत. यामुळे शहरात घाणीचे साम्राज निर्माण होऊ शकते. पावसाचे दिवस असल्याने शहरात अनेक आजारांचा प्रादुर्भाव वाढण्याची दाट शक्यता नाकारता येते. यामुळे शहरातील बालकांपासुन ते वयोवृध्दांना वेगवेगळ्या आजारांना तोंड द्यावे लागते. शहरातील बाजार पेठेत आणि रत्यांवर पाणी जमा होत असल्याने आणि नाल्यातील घाण रस्त्यावर आल्याने परळी वै. नगर परिषदेच्या हलगर्जीपणाचा प्रत्यय नागरीकांना पुन्हा येत आहे. तेव्हा हलगर्जीपणाचा कळस गाठत बसण्यापेक्षा शहरातील बाजार पेठेत आणि इतर भागातील रस्त्यावर जमा होणाऱ्या पाण्याची लवकरात लवकर विलेवाट लावावी, असे मत शहरातील नागरीकांचे येत आहे
No comments:
Post a Comment