केज नगरपंचायत सर्वाधिक अकरा महिलासदस्य कोणालाही स्पष्ट बहुमत नाही कोण होणार नगराध्यक्ष ?

केज  (प्रतिनिधी) ;-  बीड जिल्ह्यात लोकसभेला खासदार महिला आहे. राज्यसभा खासदारही महिलाच आहेत. तसेच केज विधानसभा मतदारसंघात देखील आमदार म्हणून महिलाच प्रतीनिधी आहेत. बीड जिल्हा परिषदेच्या अध्यक्ष महिला आहेत आणि केज पंचायत समितीच्या सभापती देखील महिलाच आहेत.

केज नगरपंचायतीच्या नगराध्यक्ष निवडीच्या वेळी सर्वच राजकीय नेत्यांची दमछाक होणार आहे बहुमत कोणाकडेच नाही, तसेच या निवडणुकीत एकूण सतरा जागेसाठी निवडणूक झाली होती त्यामध्ये तब्बल आकरा महिला नगरसेवक म्हणून विजयी झाल्या आहेत. केवळ सहा पुरुष नगरसेवक आहेत. महिलांचाच आकडा मोठा असल्याने यावेळी पहिल्या आडीच वर्षासाठी तरी महिलाच नगराध्यक्ष होणार तसेच उपनगराध्यक्ष देखील महिलेमधुनच होण्याची शक्यता मोठ्या प्रमाणावर आहे

गेल्या सात वर्षांपासून केज नगरपंचायत खा .रजनीताई अशोक पाटील यांच्या ताब्यात असताना त्यांच्या गटातील नगराध्यक्ष व नगरसेवकांनी केज शहरातील विकास करण्यासाठी दिलेले योगदान लोकांच्या पसंतीस उतरले नाही यामुळे या झालेल्या निवडणुकीत राष्ट्रीय काँग्रेस पक्षाला शहरातील मतदारांनी तिसऱ्या क्रमांकावर पाठवले आहे. तीन जागा देऊन त्यांची नाराजी त्यांनी दाखवली आहे.

केज नगर पंचायत सार्वत्रिक निवडणुकीत शहरातील मतदारांनी सतरा जागेपैकी आकरा जागेवर महिलांना नगरसेविका होण्याची संधी दिल्याने यामध्ये जनविकास आघाडी सात महिला तर राष्ट्रवादी काँग्रेसकडे दोन महिला व राष्ट्रीय काँग्रेसकडे एक महिला तसेछ स्वा।, शे , संघटना एक महिला अशा एकूण आकरा जागेवर महीला आणि सहा जागांवर पुरुष निवडून आल्याने येणाऱ्या नगराध्यक्ष पदाच्या निवडीच्या वेळी आरक्षण कोणतेही असले तरी केजची नगराध्यक्षा म्हणून महिलेचीच निवड करावी लागणार असल्याचे चित्र दिसु लागले आहे .

 

केज नगर पंचायत निवडणुकीत शहरातील मतदारांनी कोणत्याही पक्षाच्या बाजूने पुर्ण बहुमत दिले नसल्याने व नगर पंचायत निवडणुकीत सतरा जागेपैकी अकरा जागांवर महिला व सहा जागांवर पुरुषांची निवड मतदारांनी केल्याने केजच्या नगराध्यक्ष पदाच्या शर्यतीत महिलाच पुढे आहेत.

राष्ट्रवादीचे बीड जिल्हा अध्यक्ष बजरंग सोनवणे यांच्या बाजुने शहरातील जनतेने विश्वास ठेवून राष्ट्रवादी काँग्रेसला पाच जागा दिल्या परंतु त्यांच्या कन्या हर्षदा सोनवणे यांचा पराभव झाल्याने त्यांनाही आत्मचिंतन करावे लागणार आहे . जनविकास आघाडीचे प्रमुख असलेले हारुणभाई इनामदार यांनी पहिल्या टप्यातील निवडणुकीत प्रभाग सहामधुन उमेदवारी दाखल करून जनतेचा कौल अजमावला. यामध्ये त्यांना मतदारांचा प्रतिसाद दिसला नाही. हे त्यांच्या लक्षात येताच त्यांनी नगरपंचायतच्या दुसऱ्या टप्प्यातील निवडणुकीत पत्नीला प्रभाग क्र . आठ मधून उमेदवारी दिली तसेच पप्पू कागदे यांच्या रिपाइं गटाचे कार्यकर्ते व पदाधिकारी यांना सोबत घेऊन जोरदारपणे विजय मिळवला आहे. या निवडणुकीत सतरा पैकी सर्वाधिक म्हणजे आठ जागा मिळविण्यात त्यांना यश आले आहे. केवळ एका नगरसेवकाचीच त्यांच्याकडे आवश्यकता आहे.

शिवसेनेचे रत्नाकर शिंदे यांच्या कार्याला मतदारांनी स्विकारले नाही. शिवसेनेच्या उमेदवारांना आपले डिपॉझिट या निवडणुकीत संभाळून ठेवता आले नाही . केज नगरपंचायत निवडणुकीत मतदारांनी येणाऱ्या काळात शहराची सुधारणा व्हावी या हेतूने सर्वाधिक म्हणजे सतरा जागेपैकी अकरा जागेवर महिलांना नगरसेविका म्हणून निवडून दिले आहे . जनविकास आघाडीकडे आठ पैकी सात महीला आहेत त्यामध्ये आशाबाई कराड , शकुंतला अंधारे , सीताताई बन्सोड , इनामदार आलिया हारून , पदमीनबाई शिंदे , इनामदार रेश्मा जलाल , इनामदार तरमीमबेगम यांचा समावेश आहे तर पुरुष नगरसेवक म्हणून जकीयोद्दीन इनामदार यांची वर्णी लागली आहे. राष्ट्रवादी काँग्रेसकडे पाच जागा आहेत त्यामध्ये दोन महीला सोजरबाई गाढवे व शेख तसलीम यांचा समावेश आहे. पुरुष नगरसेवक म्हणून अझर इनामदार , जाधव बालाजी , भाऊसाहेब गुंड यांची वर्णी लागली आहे. राष्ट्रीय काँग्रेस कडून शितलताई दांगट , अदित्य पाटील , सोमनाथ गुंड आणि स्वा , शे , संघटना यांच्या कडून पल्लवी राजणकर असे अकरा महिलांचे संख्याबळ असल्याने आणि या निवडणुकीत कोणत्याच गटाकडे बहुमत नसल्याने तसेच नगराध्यक्ष पदावरून कोणाचीच नाराजी नको म्हणून आरक्षण कोणालाही सुटले तरी नगराध्यक्ष पदावर महिलेचीच निवड होण्याची शक्यता आहे .