सुकन्या समृद्धी योजनेचे खाते उघडण्यास प्रोत्साहीत केल्याने शेख अफसाना यांना डाक मित्र पुरस्कार.देऊन सन्मान.

- 

बीड (प्रतिनिधी) राष्ट्रीय बालिका दिनाचे औचित्य साधून बीड डाक विभागाचे सन्माननीय डाक अधीक्षक  एस.एम. अली  यांनी बीड जिल्ह्यातील जनतेला, लोक प्रतिनिधींना व सामाजिक कार्यकर्त्यांना जास्तीत जास्त सुकन्या समृद्धी योजनेचे खाते उघडण्यासाठी मदतीचे आवाहन केले होते. त्या आवाहनाला प्रतिसाद देत श्रीमती अफसाना शेख यांनी बीड हेड पोस्ट ऑफिस चे पोस्टमास्टर अमरसिंग ढाका यांच्या मार्गदर्शनाखाली त्यांच्या मोहल्ल्यातील व बीड परिसरातील लहान मुलींचे खाते उघडण्यासाठी घरो घरी जाऊन प्रसार प्रचार करीत 125 सुकन्या समृद्धी योजनेचे खाते उघडण्यासाठी मदत केली म्हणून बीड डाक विभागाने याची दखल घेत प्रजासत्ताक दिनी त्यांना डाक मित्र पुरस्कार व माय स्टॅम्प देऊन गौरविण्यात आले. या कार्यामुळे त्यांचे सर्वत्र कौतुक होत आहे. या प्रसंगी उप अधीक्षक संजय अंबेकर, पोस्ट मास्तर अमरसिंग ढाका, व डाक निरीक्षक प्रेमकुमार महाजन व बीड जिल्ह्यातील सर्व डाक कर्मचारी हजर होते.