शुल्लक कारणावरून युवकावर प्राणघातक हल्ला केल्याची धक्कादायक घटना.आठ जणांवर गुन्हा दाखल.

अंबाजोगाई (प्रतिनिधी) अंबाजोगाई तालुक्यातील डिघोळ अंबा येथील युवकावर शुल्लक कारणावरून प्राणघातक हल्ला केल्याची धक्कादायक घटना समोर आली आहे. याप्रकरणी युसुफवडगाव पोलीस ठाण्यात आठ जणांवर गुन्हा दाखल करण्यात आला आहे.

अंबाजोगाई तालुक्यातील डिघोळअंबा येथील तरुण शेतकरी पंडित सोनवणे हा त्याच्या चिबड नाव असलेले शेतामध्ये सोयाबीनची काढणे करण्यास काही मजुरांना सोबत घेऊन गेला होता. त्यावेळी त्याला त्याच्या शेतामध्ये वाळलेली बाभळ खाली पडलेले आढळून आली. ती वाळलेली बाभळ बाजूला उचलून बांधावर टाकली असता शेजारी शुभम सोनवणे याने भांडणास सुरुवात केली. कुरापत काढून तू ही वाळलेली बाभळ बांधावर का टाकलीस असे म्हणून पंडित सोनवणे याच्याशी वाद घालून शिविगाळ करून वाद वाढला. हा वाद हाणामारीपर्यंत पोहोचला.

 

शुभम सोनवणे आणि त्याच्या इतर सात साथीदारांनी मिळून पंडित बाळासाहेब सोनवणे यास लाठी काठी फायटर वायरच्या साहाय्याने जबर मारहाण करून त्याला गंभीर जखमी केले. तसेच जीवे मारण्याचा प्रयत्न केल्याने गोविंद संतराम सोनवणे, राहुल हरिचंद्र सोनवणे, शुभम विलास सोनवणे, विलास संतराम सोनवणे, अनिता विलास सोनवणे आणि विलास सोनवणे याचे इतर मित्र यांच्या विरोधात युसूफ वडगाव पोलीस ठाण्यात भारतीय न्यायसंहिता कलम 118 (2 ), 118 (1), 115 (2), 3 52, 352 (2), 3 5 1 (2), 189 (2), 189 ( 4 ), 191 (2), 191 (3), 190 नुसार गुन्हा नोंद करण्यात आला असून पुढील तपास युसूफ वडगाव पोलीस करत आहे. अद्यापही आरोपींना अटक करण्यात आलेली नसून पीडित कुटूंब दहशतीमध्ये आहे