परळी शहर पोलिसांचा प्रशंसनीय कामगिरी.अत्याधुनिक तंत्रज्ञानाचा वापर, सायबर तपासाच्या माध्यमातून हरवलेले 22 मोबाईलचा शोध.

परळी वैजनाथ (प्रतिनिधी)परळी शहर पोलिसांनी पुन्हा एकदा आपल्या दक्षतेची आणि जबाबदार कार्यपद्धतीची झलक दाखवत प्रशंसनीय कामगिरी बजावली आहे. शहरातील विविध भागातून हरवलेले किंवा चोरीला गेलेले 22 मोबाईल फोन शोधून काढत सुमारे 4 लाख 58  हजार रुपयांचे मौल्यवान मोबाईल त्यांच्या मूळ मालकांच्या ताब्यात देण्यात आले आहेत.  ही कामगिरी परळी शहर पोलिस ठाण्याचे *पोलीस निरीक्षक रघुनाथ नाचन* यांच्या नेतृत्वाखाली, तपाशी अधिकारी *पोलीस अमलदार कैलास कोलमवाड* व त्यांच्या सहकाऱ्यांच्या परिश्रमातून साध्य झाली. अत्याधुनिक तंत्रज्ञानाचा वापर, सायबर तपास आणि संयमित प्रयत्नांमुळे पोलिसांना हे यश मिळाले आहे. हरवलेल्या मोबाईलचा शोध लागल्याने नागरिकांच्या चेहऱ्यावर आनंद फुलला असून, परळी शहर पोलिसांच्या या जनहितकारी उपक्रमाचे सर्वत्र कौतुक आणि अभिनंदनाचा वर्षाव होत आहे. अनेकांनी सामाजिक माध्यमांतून व प्रत्यक्ष भेटून पोलीस दलाचे अभिनंदन केले आहे. या कामगिरीमुळे नागरिकांचा पोलिसांवरील विश्वास अधिक दृढ झाला असून, पोलिस यंत्रणा केवळ गुन्हेगारांना पकडण्यासाठी नाही तर नागरिकांचे हक्क सुरक्षित ठेवण्यासाठीही तितकीच कटिबद्ध आहे, हे पुन्हा एकदा सिद्ध झाले आहे.

 परळी शहर पोलिसांनी दि.16 ऑक्टोबर 2025 रोजी परळी शहर पोलीस ठाण्यात मोबाईल मुळ मालक तक्रारदार यांना मोबाईल शहर पोलीस ठाण्याचे *पोलीस निरीक्षक रघुनाथ नाचन* यांच्या हस्ते परत केले. *यावेळी पोलीस अमलदार कैलास कोलमवार, पोलीस हवालदार गोविंद कांदे, विष्णू फड, बलाजी दराडे, मुजमुले, पोलीस कर्मचारी किशोर घटमल, वाहतूक शाखेचे प्रल्हाद भताने आदींची उपस्थिती होती.* मोबाईल हरवलेल्या तक्रारदारांनी  पोलीसांच्या कामगिरीवर समाधान व्यक्त केले असुन पोलीसांचे आभार मानले आहे. त्यामुळे पोलीसांची जनमानसात चांगली प्रतीमा निर्माण होण्यास नक्कीच मदत झाली आहे.

      *सदरची कारवाई बीड जिल्ह्याचे पोलीस अधिक्षक नवनीत काँवत, अप्पर पोलीस अधिक्षक चेतना तिडके, मा. उपविभागीय पोलीस अधिकारी ऋषिकेष शिंदे यांचे मार्गदर्शनाखाली परळी शहर पोलीस ठाण्याचे पोलीस निरीक्षक श्री. रघुनाथ नाचण, पोउपनि शिंगणे, पोलीस अंमलदार कैलास कोलमवाड, पो.अ. प्रशांत शेळके तसेच टेक्निकल अॅनेलीसेस बीड येथील पोलीस अंमलदार विकी सुरवसे यांनी केली आहे.* परळी शहर पोलिसांचे हे यश केवळ आकड्यांत मर्यादित नसून, त्यांच्या कार्यनिष्ठा, जबाबदारी आणि सेवाभावाचे प्रतीक आहे. *"रक्षक तेच खरे सेवक"* या उक्तीला साजेसं काम परळी पोलिसांनी करून दाखवलं आहे. पोलिसांनी नागरिकांच्या सुरक्षेसाठी अशाच तळमळीने काम करत राहावे! *परळी शहर पोलीस ठाण्याचे सर्व अधिकारी व कर्मचारी यांचे मनःपूर्वक अभिनंदन!