शिवसेनाप्रमुख बाळासाहेब ठाकरे यांचा जयघोष म्हणजे प्रत्येक शिवसैनिकाच्या हृदयातील दीप - अभयकुमार ठक्कर

*शिवसेना उद्धव बाळासाहेब ठाकरे तर्फे परळीत दिव्यांचा लख्ख प्रकाश. 

परळी वैजनाथ (प्रतिनिधी) – दीपावली पाडव्याच्या शुभप्रसंगी जय महाराष्ट्र प्रतिष्ठानच्या वतीने परळी वैजनाथ येथील पॉवर हाऊस समोरील विश्व हिंदूहृदयसम्राट शिवसेनाप्रमुख बाळासाहेब ठाकरे चौकात दिव्यांचा लख्ख प्रकाश करण्यात आला.

या वेळी परिसर फटाक्यांची आतिषबाजी करत “हिंदूहृदयसम्राट बाळासाहेब ठाकरे अमर रहे… जय भवानी जय शिवाजी,आवाज कुणाचा? शिवसेनेचा!” या गगनभेदी घोषणांनी दुमदुमला. चौकातील दिव्यांच्या तेजात आणि जयघोषांच्या गजरात बाळासाहेब ठाकरे यांच्या अजरामर कार्याला उजाळा देण्यात आला.

कार्यक्रमास शिवसेना मा.उपजिल्हाप्रमुख तथा मा.नगराध्यक्ष अभयकुमार ठक्कर, युवासेना जिल्हा समन्वयक प्रा.अतुल दुबे, दैनिक जगमित्र चे संपादक बाळासाहेब कडबाने, ज्येष्ठ नेते सतीश जगताप, मा. नगरसेवक संजय कुकडे, जय महाराष्ट्र प्रतिष्ठानचे उपाध्यक्ष मनीष जोशी, पत्रकार संतोष जुजगर, जगन्नाथ पवार, छ. शिवाजी महाराज चौक विभाग प्रमुख संजय सोमाने, मोहन परदेशी,योगेश जाधव, युवासेना उपजिल्हाप्रमुख सचिन लोढा, नवनाथ वरवटकर, सोमनाथ धोत्रे, शंकर शिंदे, बालू कुराडे, सतीश पवार, प्रकाश देवकर, विद्यार्थी सेना मा.तालुकाप्रमुख अमित कचरे, कारभारी शिंदे,जय महाराष्ट्र प्रतिष्ठानचे सहसचिव योगेश घेवारे, सोमनाथ गायकवाड यांच्यासह शिवसेना व युवा सेनेचे असंख्य पदाधिकारी व कार्यकर्ते उपस्थित होते.

अभयकुमार ठक्कर यांनी यावेळी सांगितले की, “शिवसेनाप्रमुख बाळासाहेब ठाकरे यांचा जयघोष म्हणजे प्रत्येक शिवसैनिकाच्या हृदयातील दीप आहे. त्यांची विचारधारा हीच आमची दीपावली असून, त्यांच्या आशीर्वादानेच महाराष्ट्र उजळला आहे.”

या दीपप्रज्वलन सोहळ्यात जय महाराष्ट्र प्रतिष्ठानच्या पदाधिकाऱ्यांनी उत्साहात सहभाग घेत बाळासाहेब ठाकरे यांच्या स्मृतींना अभिवादन करत दीपोत्सव मोठ्या उत्साहात साजरा केला.