वैद्यनाथ मंदिर परिसरात अपघात रोखण्या साठी गतिरोधक बसवा अन्यथा शिवसेना स्टाईल आंदोलन-अभयकुमार ठक्कर

परळी वैजनाथ (प्रतिनिधी)  पंचम ज्योतिर्लिंग श्री वैद्यनाथ मंदिर  येथील रस्त्यावरून अत्यंत वेगाने मोठमोठी वाहने जात असल्यामुळे अपघातांमध्ये वाढ झाली असून, या ठिकाणी गतिरोधक बसवण्याची मागणी शिवसेना उद्धव बाळासाहेब ठाकरे पक्षाचे नेते तथा माजी नगराध्यक्ष अभयकुमार ठक्कर व त्यांच्या सहकार्‍यांनी केली आहे. पंधरा दिवसात गतिरोधक न बसवल्यास  आंदोलन करण्याचा इशारा निवेदनाद्वारे दिला आहे.

निवेदनात म्हटले आहे की, पंचम ज्योतिर्लिंग श्री वैद्यनाथ प्रभूंच्या दर्शंनासाठी देशभरातून भाविक भक्त मोठया प्रमाणात दर्शनासाठी दररोज येत असतात. सध्या उन्हाळी सुट्टी असल्याने भाविकांची संख्या अधिक प्रमाणात वाढली आहे. या रोडवरून मोठमोठी वाहने वेगात वाहने धावत आहेत. या मार्गावरून येणारी वाहने वैद्यनाथ मंदिर परिसरात एकत्र येऊन समोरासमोर येत आहे. त्यामुळे अपघाताची परिस्थिती ओढवत आहे. परळी नगर परिषदेने याकडे त्वरीत लक्ष देवून या ठिकाणी गतिरोधक बसवावेत अन्यथा शिवसेना स्टाईल आंदोल करण्यात येईल असाही इशारा श्री अभयकुमार ठक्कर यांच्यासह मोहन परदेशी, माजी शहर संघटक संजय कुकडे, किशन बुंदिले, संजय सोमाणे, अमित कचरे,लक्ष्मण मुंडे, योगेश घेवारे आदींंनी दिला आहे.