Monday, May 27, 2024

परळीच्या निवासी मुकबधीर विद्यालयाला वादळी वाऱ्याचा फटका; 60 फुट भिंत कोसळली.

परळी वैजनाथ (प्रतिनिधी) परळी वैजनाथ जवळील संगम येथील प्रज्ञा निकेतन शिक्षण संस्था संचलित निवासी मूकबधिर विद्यालयाचे काल  दि. २६ मे रोजी आलेल्या वादळात मोठे नुकसान झाले आहे. या वादळात  60 फूट भिंत कोसळली आहे. यामुळे शाळेचे मोठे नुकसान झाले असून प्रशासनाने लक्ष देऊन नुकसान भरपाई द्यावी अशी मागणी निवासी मूकबधिर विद्यालयाच्या वतीने करण्यात आली आहे.
रविवार दिनांक 26 मे रोजी दुपारी पाच वाजेच्या दरम्यान परळी शहर असं संपूर्ण तालुक्यात मोठे वादळी वारे आले होते. या वादळी वाऱ्याचा फटका प्रज्ञा निकेतन शिक्षण संस्था संचलित निवासी मूकबधिर विद्यालयाला बसला. मूकबधिर विद्यालयाची साठ फूट लांब भिंत कोसळली. यामुळे शाळेचे मोठे नुकसान झाले आहे. दरम्यान प्रशासनाने याकडे लक्ष देऊन पंचनामा करून नुकसान भरपाई द्यावी अशी मागणी प्रज्ञा निकेतन शिक्षण संस्था संचलित निवासी मूकबधिर विद्यालयातील मुख्याध्यापक व शिक्षक वृंदांनी केली आहे.

No comments:

Post a Comment