शिक्षकाची चोरट्यासोबत झटापट ! तोंडावरील रुमाल गळून पडल्याने चोरट्याला शिक्षकाने ओळखले !

उस्मानाबाद (प्रतिनीधी) टेबलावरील कपडे चोरून घेऊन जात असताना झोपलेल्या शिक्षकाच्या हातावर चोरट्याचा पाय पडला अन् शिक्षक झोपेतून जागे झाले. त्यानंतर चोरटा आणि शिक्षकामध्ये झटापट होऊन चोरट्याच्या तोंडावरील रुमाल गळून पडल्याने चोरट्याला शिक्षकाने ओळखले. ही घटना लोहारा तालुक्यातील नागूर गावात घड

शिक्षक तानाजी शहाजी पाटील (रा. नागुर.ता.लोहारा जि. उस्मानाबाद) यांनी पोलिसांना दिलेली माहिती अशी की, दि. 05/05/2022 रोजी पत्नी व मुले जेवण  करून रात्री 09.00 वाजता झोपलो. त्यानंतर दिनांक 06/05/2022रोजी रात्री 02.00 वाजेच्या सुमारास दोन जणांनी शिक्षक तानाजी शहाजी पाटील यांच्या घराची आतील कडी हात घालून उघडली.

घरामध्ये चोरी करण्याच्या उद्देशाने ते आले व घरातील टेबलावर शिक्षक तानाजी शहाजी पाटील यांचे कपडे काढून ठेवले होते ते कपडे उचलत असताना त्यांचा पाय शिक्षक तानाजी शहाजी पाटील यांच्या हातावर पडला. त्यामुळे शिक्षक तानाजी शहाजी पाटील यांना झोपेतून जाग आली. त्यानंतर त्यातील एकाने शिक्षक तानाजी शहाजी पाटील यांना प्लास्टिक कॉलम पाइपने मारण्यास सुरुवात केली.

त्याने शिक्षक तानाजी शहाजी पाटील यांना डोक्यात तीन पाईप मारले व एक हातावर मारला. त्यावेळेस  दोघांमध्ये झटापट झाली. त्यामुळे घरातील सर्वजण जागे झाले व आरडाओरड करू लागले. त्यामध्ये शिक्षक तानाजी शहाजी पाटील यांना मारहाण करणा-या चोरट्याच्या तोंडास बांधलेला रुमाल निघाला.

त्यामुळे शिक्षक तानाजी शहाजी पाटील यांनी त्यास ओळखले. त्याचे नाव बाबा खड्डु शिंदे, (वय 25 वर्ष. रा. नागुर) हा होता व दुसर्या चोरट्यास ते ओळखु शकले नाही. त्या दोघापैकी बाबा शिंदे याला शिक्षक तानाजी शहाजी पाटील हे म्हणाले की, ओळखलो आहे रे तुला. त्यावर बाबा याने तुला बघून घेतो असे म्हणून धमकी देवून निघून गेला. याप्रकरणी शिक्षक तानाजी शहाजी पाटील यांनी दिलेल्या तक्रारीवरून बाबा खंडू शिंदे व त्याचा साथीदार यांच्यावर लोहारा पोलिस ठाण्यात गुन्हा दाखल करण्यात आला आहे.