परळी वैजनाथ (प्रतिनिधी) परळी येथील नाथ शिक्षण संस्था संचलित शारदा विद्या मंदीर, बँक कॉलनी, परळी येथे 21 ऑक्टोंबर 2023 रोजी सायं. 6 वाजता शारदोत्सव निमित्त प्रतिवर्षी प्रमाणे याही वर्षी नाथ शिक्षण संस्थेचे अध्यक्ष तथा महाराष्ट्र राज्याचे कृषी मंत्री ना.श्री. धनंजयजी मुंडे साहेब यांच्या प्रेरणेने, संस्थेचे सहसचिव श्री. प्रदिपजी खाडे साहेब यांच्या मार्गदर्शनाखाली व संस्थेचे समन्वयक तथा यशवंतराव चव्हाण कनिष्ठ महाविद्यालयाचे प्राचार्य श्री. अतुलजी दुबे सर यांच्या सहकार्यातून जागर नवदुर्गांचा सांस्कृतिक कार्यक्रमाचे आयोजन करण्यात आले.
आपल्या पाल्यांच्या कला पाहण्यासाठी पालक तसेच ग्रामस्थ मोठ्या संख्येने उपस्थित होते. कार्यक्रमाची सुरुवात मान्यवरांच्या शुभ हस्ते हनुमान मंदिरात हनुमानास श्रीफळ अर्पण करून करण्यात आली.
कार्यक्रमाचे उदघाटन श्रीमती.अन्सारी मॅडम (विस्तार अधिकारी गटशिक्षण विभाग परळी) व डॉ.सौ.विद्या देशपांडे मॅडम (प्राचार्य महिला महाविद्यालय परळी) यांच्या शुभहस्ते करण्यात आले. कार्यक्रमाची सुरुवात विद्येची देवता माता सरस्वतीच्या प्रतिमेस मान्यवरांच्या हस्ते पुष्पहार अर्पण करून दीप प्रज्वलनाने झाली.
माता पालक व भागातील महिला यांनी दांडियांचा मनमुराद आनंद लुटला. विद्यार्थीनींनी विविध सांस्कृतिक गीते, लोकगीते, दांडिया, गरबा नृत्य सादर करून उपस्थितांची मने जिंकली.यावेळी उपस्थित यशवंतराव चव्हाण कनिष्ठ महाविद्यालयाची विद्यार्थिनीला मेडिकल शाखेत प्रवेश मिळाल्याबद्दल कु.मेघना हनुमंत मगर हिचा सत्कार करुन शुभेच्छा दिल्या तर मेडिकल शाखेचा अभ्यासक्रम पूर्ण केल्याबद्दल डॉ.आकांक्षा कदरकर यांचा सत्कार करण्यात आला.
कार्यक्रमाच्या यशस्वीतेसाठी शाळेतील सर्व शिक्षक व शिक्षकेतर कर्मचाऱ्यांनी परिश्रम घेतले. कार्यक्रमाचे सुत्रसंचालन श्री.डी. मुंडेसर यांनी केले. तर आभार श्री साळवे सरांनी मानले. अशाप्रकारे कार्यक्रम उत्साहात संपन्न झाला.
No comments:
Post a Comment