महाराष्ट्रासह कर्नाटकात १० पेक्षा अधिक गुन्हे दाखल.असलेला फरार कुख्यात घरफोड्याला पेठ बीड पोलिसांनी ठोकल्या बेड्या.

बीड (प्रतिनिधी) पेठ बीड पोलीस निरीक्षकपदी निलेश केळे यांची नियुक्ती झाल्यापासून पेठ बीड पोलीस ठाणे हद्दीत मटका, गुटखा,जुगार,गांजा,चक्री अवैध दारू यासह इतर अवैध धंद्यावर धडक कारवाया सुरु आहेत तसेच मागील गुन्ह्याची उकल व फरार आरोपीला जेरबंद करण्याच्या प्रमाणातही वाढ झाली आहे.

घरफोडीच्या गुन्ह्यात मागील एक वर्षापासून फरार असलेल्या रेकॉर्डवरील कुख्यात आरोपीला पेठ बीड पोलिसांच्या डी.बी. पथकाने मोठ्या शिताफीने अटक केली. सिकंदर अख्तर सय्यद (वय ४५, रा. मोहमदिया कॉलनी, पेठ बीड) असे अटक करण्यात आलेल्या आरोपीचे नाव आहे. जिल्ह्यात राबविण्यात आलेल्या ऑल आऊट ऑपरेशनदरम्यान ही कारवाई करण्यात आली

दि. ११ सप्टेंबर २०२६ रोजी बीड जिल्ह्यात ऑल आऊट ऑपरेशन मोहीम राबविण्यात आली होती. याचदरम्यान पेठ बीड पोलीस ठाण्यात दाखल असलेल्या गुन्हा क्र. १७६/२०२५ मधील कलम १३७ (२), ११८ (१) भा.न्या.सं. अंतर्गत गुन्हे दाखल आहेत.

मागील वर्षभरापासून पोलिसांना गुंगारा देणारा आरोपी सिकंदर सय्यद हा रात्री तीन वाजता नाळवंडी रोडवरील इंजिनिअरिंग कॉलेजच्या मोकळ्या मैदानात दबा बसला असल्याची माहिती पेठ बीड पोलिसांना मिळताच पोलिसांनी सापळा रचला परंतु सिकंदरला पोलीस आल्याची चाहूल लागताच त्याने पळून जाण्याचा प्रयत्न केला मात्र पोलिसांनी पाठलाग करून ताब्यात घेतले.

महाराष्ट्रासह कर्नाटकात गुन्ह्यांची नोंद.

अटक करण्यात आलेल्या सिकंदर सय्यद याच्याविरुद्ध बीड,अमरावती,विजापूर, सोलापूर,लातूर,वर्धा, कर्नाटक जालना यासह महाराष्ट्रातील विविध जिल्ह्यांत घरफोडी व इतर गंभीर स्वरूपाचे १० पेक्षा अधिक गुन्हे पोलीस ठाण्यात दाखल असल्याने त्याला महाराष्ट्रातील पोलीस शोध घेत होते. रात्रीच्या वेळी घरफोड्या करून पसार होण्यात तो सराईत असल्याचे पोलिसांकडून सांगण्यात आले.

ही कारवाई पोलीस अधीक्षक नवनीत कॉवत,अपर पोलीस अधीक्षक समीर शेख आणि उपविभागीय पोलीस अधिकारी बीड वेंकटराम यांच्या मार्गदर्शनाखाली पोलीस निरीक्षक निलेश केळे, पोउपनि. मुन्सर शहा, पोहेकॉ. नितीन राठोड, पोलीस अंमलदार विष्णू गुजर, पांडुरंग परजणे आणि औदुंबर गिरी यांनी केली. पुढील तपास पोहेकॉ.भालेराव करीत आहेत.