२६ जानेवारीपासून मराठा आरक्षणा साठी रस्त्यावर उतरणार !

* ई.डब्ल्यू.एस.आरक्षणावर मराठाक्रांती मोर्चा आक्रमक.

 

औरंगाबाद ;- येत्या २६ जानेवारी पासून मराठा आरक्षणासाठी रस्त्यावर उतरणार, असलेल्याची घोषणा मराठा क्रांती मोर्चानं औरंगाबादमध्ये पत्रकार परिषदेत केली आहे.

२५ जानेवारी रोजी मराठा आरक्षणा बाबतची स्थगिती नाही उठली तर २६ जानेवारी या तारखेपासून तिव्र स्वरूपात आंदोलन करणार असल्याचा इशारा मराठा क्रांती मोर्चाच्या वतीने या वेळी देण्यात आला आहे. राज्य सरकार आणि ईडब्ल्यूएस आरक्षणाच्या विरोधात रस्त्यावर उतरण्याचा निर्धार प्रामुख्याने या वेळी करण्यात आला. १ ते २५ जानेवारीपर्यंत राज्यभर आंदोलनाची पार्श्वभूमी तयार करण्यात येणार असल्याची माहिती मराठा क्रांती मोर्चाच्या पदाधिकाऱ्यांनी दिली आहे.दरम्यान शिवसंग्राम संघटनेचे नेते आमदार विनायक मेटे यांनी मात्र राज्य सरकारने घेतलेल्या ईडब्ल्यूएस निर्णयाचे स्वागत केले आहे.