आरोप सिद्ध करावा, अन्यथा राजीनामा द्यावा.पालकमंत्री अतुल सावेंचे आमदार आजबेंना खुले आव्हान

बीड (प्रतिनिधी) : बीडचे पालकमंत्री निधी देण्यासाठी टक्केवारी घेतात. असा गंभीर आरोप राष्ट्रवादीचे आमदार बाळासाहेब आजबे यांनी केला होता. त्यावर आता मंत्री अतुल सावेंनी त्यांना खुले आव्हान दिलं आहे. तुम्ही आरोप सिद्ध करा, अन्यथा पदाच राजीनामा द्यावा; असं म्हणत अतुल सावे यांनी राष्ट्रवादीचे आमदार बाळासाहेब आजबे यांना पत्रक काढत खुलं आव्हान दिलं आहे. 

मंत्री अतुल सावे यांनी या काढलेल्या पत्रकात म्हटले, की आष्टीचे आमदार बाळासाहेब आजबे यांनी बिनबुडाचे आरोप राजकीय आकसातून केले आहेत. पालकमंत्री म्हणुन बीड जिल्ह्यात कामे करतांना सर्व आमदारांना विकास निधीचे वाटप केले आहे. विकास निधी देतांना आम्ही राजकिय दुराग्रह केला नाही. या उलट अजबे यांची सत्ता असतांना आमच्या आमदारांना विकास निधी मिळाला नसल्याचे त्यांनी सांगितले.