विरार (प्रतिनिधी) आगाशी रिक्षा चालक मालक मित्र मंडळ चे अध्यक्ष प्रभाकर वागळे यांच्या पुढाकाराने तसेच शिवसेना (उबाठा) तालूका समन्वयक अभिजीत सांगळे व सहसंपर्क प्रमूख महेश राऊत यांच्या सहाय्याने स्थानिक भूमिपूत्रांसाठी रिक्षास्टॅन्ड चे उद्घाटन बोळींज ओलांडा येथे करण्यात आले. विरार शहरातील आगाशी पूरापाडा ते ओलांडा येथील वाढती लोकसंख्या तसेच नव्याने होणारे विकास काम लक्षात घेता तिथे नागरिकांच्या सोयीसाठी रिक्षा स्टॅन्ड असावा असे स्थानिकांचे म्हणने होते. नव्याने विकसीत होत असलेल्या पूरापाडा ते ओलांडा रोड जवळ रॅाकस्टार सिनेमागृह हे अर्नाळा, आगाशी, उंबरगोठण तसेच बोळींज करांसाठी एकमेव असे सिनेमागृह आहे व लवकरच तेथे लहान मूलांसाठी शाळा व मर्चंन्ट नेव्ही चे प्रशिक्षण केंन्द्र नव्याने चालू होणार आहे तेथे येणाऱ्या जाणाऱ्या नागरीकांची संख्या वाढत आहे त्यांना प्रवासासाठी गैरसोय होत आहे हीच गैरसोय दूर करण्यासाठी २१ मे २०२३ या दिवशी शिवसेना (उध्दव बाळासाहेब ठाकरे) पक्ष पुरस्कृत आगाशी रिक्षा चालक मालक मित्र मंडळ स्टॅन्ड चे उद्घाटन करण्यात आले. या उद्घाटनावेळी शिवसेना पक्षाचे तालूका समन्वयक (वसई विधानसभा) अभिजीत सांगळे, सहसंपर्क प्रमूख (नालासोपारा विधानसभा) महेश राऊत, आगाशी विभागप्रमूख दिलीप सांगळे, आगाशी रिक्षा चालक मालक मित्र मंडळ चे अध्यक्ष प्रभाकर वागळे, उपाध्यक्ष राकेश तामोरे व शेकडो स्थानिक भूमिपुत्र रिक्षावाले उपस्थित होते.
No comments:
Post a Comment