दारुड्याने एसटी बसवर दगड मारून काच फोडला. व चालक, वाहक यांना शिवीगाळ करून जीवे मारण्याची दिल धमकी.

केज  (प्रतिनिधी) :- केज तालुक्यातील पिंपळगाव पाटी जवळ एका दारुड्याने चालत्या एसटी बसवर दगड मारून काच फोडला आहे.

या बाबतची माहिती अशी की, रविवार दि. २३ ऑक्टोबर रोजी दुपारी २:३० वा. धारूर आगाराची बीड-केज ही गाडी क्र.( एम एच-२०/डी-९९२३) ही गाडी विड्याहुन केजकडे येत असताना पिंपळगाव फाट्या जवळ एका दारुड्या इसमाने गाडीच्या डाव्या बाजूच्या समोरील काचावर दगड मारून काच फोडला. तसेच चालक व वाहक यांना शिवीगाळ करून जीवे मारण्याची धमकी दिली.
या प्रकरणी चालक अशोक हुंबे यांच्या फिर्यादी वरून केज पोलीस ठाण्यात गुन्हा दाखल करण्याची प्रक्रिया सुरू आहे.