आपला माणूस कामाचा माणूस ! नगर सेवकपदाचे उमेदवार वैजनाथ कळसकर यांनी 500 रुपयेच्या बाँड दिली विकासाची हमी.

"त्याच पद्धतीने नगराध्यक्ष पदाच्या उमेदवार सौ .संध्या दीपक देशमुख यांची सात आणि सर्व राष्ट्रवादी काँग्रेस पक्ष शरद पवार गटाच्या नगरसेवक पदाच्या उमेदवारांनी हा पॅटर्न राबवण्याचा संकल्प केला आहे. "

परळी (प्रतिनिधी)- राष्ट्रवादी काँग्रेस पक्ष शरद पवार गटाचे प्रभाग क्रमांक १४ चे नगरसेवक पदाचे उमेदवार वैजनाथ कळसकर यांनी मतदारांना ५०० च्या बाँडवर विकास करण्याचे कायदेशीररित्या बांधील असल्याचे लिहून दिले आहे. हा अनोखा विकासाचा परळी शहरात पहिलाच आणि एकमेव उमेदवार ठरला आहे .जो कायदेशीर रित्या शहराच्या व वार्डाच्या विकासासाठी बांधील आहे. बाँडवर विकास करणार असल्याचे लिहून दिल्यामुळे राष्ट्रवादी काँग्रेस पक्ष शरद पवार गटाचे नगरसेवक पदाचे उमेदवार वैजनाथ कळसकर चर्चेचा विषय ठरले आहेत. मतदारांना विश्वासाचे हमी कायदेशीररित्या बॉंडवर देण्याचा प्रयोग किंवा विश्वास महाराष्ट्रातीलच नव्हे तर देशातील पहिल्यांदाच नगर परिषद निवडणुकीत दिसत असल्याने त्यांच्या नावाची चर्चा होत आहे. 

   या बॉण्डवर प्रभाग क्रमांक 14 चा 14 कलमी संकल्पित जाहीरनाम्यात त्यांनी प्रभागामध्ये कशा पद्धतीने विकास केला जाईल याबाबत विस्तृत दिले आहे. पावरलूम सोसायटीमध्ये सांडपाण्याची विल्हेवाट लावण्याचे यंत्रणा उभारणार , प्रभागातील पाणी पातळी वाढावी यासाठी कूपनलिका इंधन विहीर यांचे जलभरण करणार, घरोघरी रेन वॉटर हार्वेस्टिंग द्वारे पावसाचे पाणी जमिनीत मुरण्यासाठी प्रयत्न करणार आहेत ज्यामुळे प्रभागात पाणी पातळी वाढेल. प्रभागातील सर्व पथदिवे रात्रीच्या वेळी अखंडित सुरू राहतील यासाठी प्रयत्न करणार , शिवाजीनगर, हनुमान मंदिर परिसरात नारीशक्ती सशक्तीकरण , सक्षमीकरण केंद्र उभारणार, यापूर्वी नगरपरिषद अंतर्गत झालेल्या भ्रष्ट कामांची चौकशी करणार,खा. बजरंग सोनवणे यांच्या खासदार निधीतून विकास कामांसाठी फंड उभा करणार अशा प्रकारचे अनेक विकास कामे पूर्ण करण्याचे आश्वासन बाँडवर लिहून दिले आहे. तसेच या नगरपरिषद निवडणुकीत राष्ट्रवादी काँग्रेस पक्ष शरद पवार गटाचे नगराध्यक्ष पदाच्या अधिकृत उमेदवार संध्या दीपक देशमुख व प्रभाग १४ मधील नगरसेवक पदाचे उमेदवार वैजनाथ कळसकर व पल्लवी समीर कोरे यांना निवडून देण्याचे आवाहनही प्रभाग क्रमांक १४ मधील नगरसेवक पदाचे उमेदवार वैजनाथ कळसकर यांनी मतदारांना केले आहे.

त्याच पद्धतीने नगराध्यक्ष पदाच्या उमेदवार सौ .संध्या दीपक देशमुख यांची सात आणि सर्व राष्ट्रवादी काँग्रेस पक्ष शरद पवार गटाच्या नगरसेवक पदाच्या उमेदवारांनी हा पॅटर्न राबवण्याचा संकल्प केला आहे.