सेक्स रॅकेटचा पोलिसांनी केला पर्दाफाश…टीव्ही अभिनेत्रीसह चौघांना अटक.

गोवा - गोवा पोलिसांच्या गुन्हे शाखेने पणजीजवळील सांगोल्डा गावात सुरू असलेल्या एका सेक्स रॅकेटचा पर्दाफाश केला असून एका टीव्ही अभिनेत्रीसह तीन महिला आणि हैदराबादमधील एका पुरुषाला अटक केली आहे. गुन्हे शाखेने दिलेल्या माहितीनुसार, टीव्ही अभिनेत्री आणि दुसरी महिला मुंबईजवळील विरार येथील रहिवासी आहेत.

तिसरी महिला हैदराबादची आहे. गोपनीय माहितीच्या आधारे गुन्हे शाखेने सापळा रचून सांगोल्डा येथील एका हॉटेलमध्ये हैदराबादच्या एका व्यक्तीसोबत ५० हजार रुपयांना सौदा केला. यानंतर दलालने तिन्ही महिलांना हजर करताच त्यांना अटक करण्यात आली.

गोवा पोलिसांच्या गुन्हे शाखेने प्रसिद्धीस दिलेल्या पत्रकात या प्रकरणाशी संबंधित माहिती प्रसारमाध्यमांना देण्यात आली आहे. हाफिज सय्यद बिलाल नावाचा व्यक्ती वेश्याव्यवसायात सामील असल्याची गुप्त माहिती गुन्हे शाखेला मिळाली होती. या माहितीच्या आधारे पोलिसांनी आपले जाळे विणण्यास सुरुवात केली.

पोलिसांनी सांगितले की, या माहितीची पडताळणी केल्यानंतर बनावट ग्राहकाच्या मदतीने हैदराबाद येथील या व्यक्तीशी संपर्क साधून हा सौदा निश्चित करण्यात आला. करारानुसार ५० हजार रुपये द्यायचे असून सांगोल्ड गावातील एका हॉटेलमध्ये देण्याचे ठरले.

गुन्हे शाखेने सांगितले की 26 वर्षीय तरुणाला 17 मार्च रोजी अटक करण्यात आली जेव्हा तो इतर तीन महिलांसह येथे पोहोचला. पोलिसांनी दिलेल्या माहितीनुसार, अटक करण्यात आलेल्या महिलांचे वय 30 ते 37 वर्षे दरम्यान आहे.