परळी वैजनाथ (प्रतिनिधी): शहरातील नगरपालिका कार्यालयाचे अज्ञात चोरटयाने कुलूप तोडून आतील कागदपत्रांची नासधूस केली, मात्र चोरट्यांना कुठलाही मुद्देमाल सापडला नाही. याच बाजुला असलेल्या हबीबपुरा भागातील एका घरात चोरी करून एका घरातील नगदी दोन लाख , सोन्या-चांदीचे दागिने चोरून नेले. चोरीच्या तपासासाठी श्वान पथकाला पाचारण करण्यात आले होते.
नगरपालिका कार्यालयाचे कुलूप तोडून अज्ञात चोरट्याने आतमध्ये प्रवेश केला. कार्यालयातील कपाट उघडून कागदपत्रांची नासधूस केली. कार्यालयामध्ये कॅश नव्हती, त्यानंतर चोरट्याने हबीबपुरा येथील आफताब खान, अफजल खान यांच्या घरात चोरी केली. घरातील कपाट उघडून 26 ग्रॅम सोने, काही चांदी व नगदी दोन लाख रुपये चोरून नेले. या चोरीच्या घटनेप्रकरणी आफताब खान यांनी शहर पोलिसात तक्रार दाखल केली त्यानुसार पोलिसांनी घटनास्थळी येऊन पंचनामा केला. चोरीच्या तपासासाठी श्वानपथकाला पाचारण करण्यात आले होते. प्रकरणाचा अधिक तपास पोलीस करत आहेत.
No comments:
Post a Comment