मुंबई (प्रतिनिधी) नाशिक पदवीधर मतदारसंघातून अपक्ष म्हणून निवडून आलेले सत्यजित तांबे यांनी आज (ता. ८ फेब्रुवारी) मुंबईत विधानभवनात आमदारकीची शपथ घेतली. आमदारकीची शपथ घेतल्यानंतर त्यांनी सर्वप्रथम विनाअनुदानित शिक्षकांच्या प्रश्नांसंदर्भात शालेय शिक्षण मंत्री दीपक केसरकर यांची भेट घेतली. त्यानंतर थेट आझाद मैदान गाठले. तेथे विविध विषयांवर सुरू असलेल्या आंदोलकांना भेट देत त्यांच्या समस्या जाणून घेतल्या, त्यामुळे तांबे यांनी शपथ घेताच लागलीच कामाला लागले आहेत.
राज्याच्या शालेय शिक्षण विभागाने अनुदानित विनाशिक्षकांना वेतन देण्याचा आणि शिक्षण सेविकांचे मानधन वाढविण्याबाबतचा निर्णय घेतला. हे दोन चांगले निर्णय घेतल्याबद्दल सरकारचे अभिनंदन. पण, विनाअनुदानित शिक्षकांना अनुदान देण्याबाबत सरकारी निर्णय घेताना त्यामध्ये शाळांना पुन्हा तपासणीची अट घातली आहे. मुळातच या अगोदरही अनेक वेळा शाळा, वर्ग आणि तुकड्यांची तपासणी झालेली आहे. त्यामुळे ही अट काढून सर्वांना अनुदान सुरू करावे. तसेच शिक्षण सेविकांचे मानधनाची वाढ ही महागाई निर्देशांकानुसार करावी. जुन्या पेन्शन योजनेबाबत आपल्याशी चर्चा करण्यासाठी वेळ द्याव, अशी मागणीही तांबे यांनी केली आहे.
शपथविधीनंतर थेट आझाद मैदान गाठले. तिथे विविध विषयांवर सुरू असलेल्या आंदोलकांची भेट घेतली. आंदोलनकर्त्यांच्या समस्या जाणून घेतल्या. हे सर्व प्रश्न मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि संबंधित खात्यांच्या मंत्र्यांपर्यंत मांडण्याचे आश्वासन संबंधित आंदोलनकर्त्यांना दिले, असेही आमदार तांबे यांनी म्हटले आहे.
No comments:
Post a Comment