बिबट्याच्या वाढत्या वावरामुळे ऐनतपूर मध्ये भीतीचे वातावरण एका शेळी ठार.

बेलापूर बुद्रुक (प्रतिनिधी) ऐनतपूर येथील बांगल वस्ती रोड परिसरात बिबट्याचा वावर वाढल्याने नागरिकांमध्ये भीतीचे वातावरण निर्माण झाले आहे. नुकतेच रात्रीच्या वेळी सोमनाथ वसंत राशीनकर यांच्या घरात बिबट्याने हल्ला करून एका शेळीला ठार केले असून एका कुत्र्यालाही घेऊन गेल्याची घटना घडली आहे.

या घटनेमुळे परिसरातील नागरिक तसेच शाळेत जाणाऱ्या मुलांमध्ये भीतीचे वातावरण निर्माण झाले आहे. 

त्यातच बांगल वस्ती रोडवर पथदिवे नसल्यामुळे रात्री मोठा अंधार असतो, त्यामुळे बिबट्याचा धोका आणखी वाढला आहे.

दरम्यान, गौसे आजम सेवाभावी संस्थेच्या वतीने पथदिवे बसविण्याची तोंडी मागणी करण्यात येत आहे. अद्याप याबाबत लेखी मागणी करण्यात आलेली नाही. तसेच वनविभागाने बिबट्याचा बंदोबस्त करण्यासाठी आवश्यक उपाययोजना कराव्यात, अशी मागणीही संस्थेच्या वतीने करण्यात आली आहे.

नागरिकांच्या सुरक्षेचा प्रश्न लक्षात घेता ग्रामपंचायत व वनविभागाने तातडीने दखल घेऊन आवश्यक कार्यवाही करावी, अशी अपेक्षा व्यक्त होत आहे.