रेल्वे फाटक व रेल्वे रुळ सुरक्षितपणे ओलांडण्याबाबत जनजागृती .

परळी वैजनाथ (प्रतिनिधी) रेल्वे फाटक व रेल्वे रुळ सुरक्षितपणे ओलांडण्याबाबत जनजागृती सर्व नागरिकांना आवाहन करण्यात येते की, दुचाकी, चारचाकी किंवा इतर कोणतेही वाहन घेऊन रेल्वे रुळ फक्त अधिकृत रेल्वे फाटक, उड्डाणपूल (FOB) किंवा भुयारी मार्ग (Underpass) यांच्या मार्गेच ओलांडावेत.रेल्वे रुळ ओलांडताना खालील बाबींचे पालन करावे:

*रेल्वे फाटक बंद असल्यास कोणत्याही परिस्थितीत फाटक ओलांडण्याचा प्रयत्न करू नये.

*रेल्वे येत असल्याची शक्यता असल्यास रुळांवर जाऊ नये.

*मोबाईल फोनचा वापर किंवा हेडफोन लावून रेल्वे रुळ ओलांडू नयेत.

*रेल्वे रुळांचा शॉर्टकट म्हणून वापर करू नये.

*रेल्वे कर्मचारी व वाहतूक नियंत्रण यंत्रणेच्या सूचनांचे काटेकोरपणे पालन करावे.

*रेल्वे रुळांवरील निष्काळजीपणा जीवघेणा ठरू शकतो. 

त्यामुळे स्वतःची व इतरांची सुरक्षितता लक्षात घेऊन रेल्वे सुरक्षा नियमांचे पालन करावे आणि सुरक्षित प्रवासास सहकार्य करावे.

— जनहितार्थ प्रसिद्ध