एकीकडे जनावरांसह चाऱ्याचे भाव वाढले आहेत तर दुसरीकडे दुधाचे दर घसरले आहेत. अशा परिस्थितीत दुग्धव्यवसाय करायचा कसा ? असा प्रश्न शेतकऱ्यांसमोर आहे. विशेष म्हणजे मागील 5 वर्षांत गायीच्या दुधाचे दर 24 रुपयांहून 27-28 वर आले आहेत. मात्र 1 हजार 400 रुपये क्विंटलची सरकी पेंड 2 हजार 200 रुपये एवढी झाली आहे. 25 ते 30 हजार रुपयांची गाय आज 80 ते 90 हजार रुपयांवर गेली आहे.
चारा सुद्धा 1 हजार 100 रुपये टनाहून 3 हजार 500 रुपये आला आहे. मात्र दुधाचे दर या प्रमाणात का वाढवण्यात आले नाही ? असा प्रश्न दूध उत्पादक शेतकऱ्यां कडून शासनाला विचारला जात आहे.
दरम्यान गायीच्या दूधाला 40 रुपये तर म्हशीच्या दुधाला 75 रुपये प्रतिलीटर मिळावेत अशी शेतकरी मागणी करु लागले आहेत. बीड प्रमाणे काेल्हापूरात देखील दूध उत्पादक शेतकऱ्यांनी दूधाच्या दरात वाढ केली जावी अशी मागणी केली आहे.
No comments:
Post a Comment