दोन जातित तेढ निर्माण करणाऱ्या लिपिकास कडक शासन करा.मराठा क्रांती मोर्चाचे पोलिसांना निवेदन.

परळी वैजनाथ  (प्रतिनिधी) परळी वैजनाथ येथी महर्षी कणाद विद्यालयाचे लिपिक केशव भांगे यांनी शाळेचे शिक्षक सतीश जाधव यांना अश्लील व जातीयवाचक शिवीगाळ केली. याप्रकरणी परळी पोलिसांत गुन्हा दाखल झाला असून त्याला अटकही करण्यात आली आहे. शिवीगाळ करून जीवे मारण्याची धमकी देणाऱ्या भांगे यास कडक शासन करून त्याला पायबंद करावा अशी मागणी मराठा क्रांती मोर्चाच्या वतीने सकळ मराठा समाजाच्या वतीने करण्यात आली आहे. पोलीस निरीक्षक हेमंत कदम यांना या मागणीचे निवेदन देण्यात आले आहे. 

मराठा क्रांती मोर्चाच्या देण्यात आलेल्या निवेदनात म्हटले आहे की, समाज माध्यमात फिरत असलेल्या एका ऑडिओ क्लीप मध्ये मराठा समाजाविरोधात एका अज्ञान व्यक्तीने मराठा समाजाचे नाव घेवून दोन समाजात तेढ निर्माण होईल अशा प्रकारचे भाष्य केले आहे तसेच अक्षेपार्ह भाष्य करून कोणत्याही महिलेला लज्जा निमाण होईल अशा प्रकारची भाषा वापरली आहे. त्यामुळे मराठा समाजाच्या भावना दुखावल्या आहेत तरी संबंधित व्यक्ती विरोधात तात्काळ कायदेशिर कारवाई करावी. तसेच संबंधित व्यक्ती ही शिक्षण क्षेत्रासारख्या पवित्र क्षेत्रात काम करत आहे हे त्याच्या संभाषणावरून लक्षात येते समाज माध्यमातून मिळालेल्या माहितीनुसार या व्यक्तीची शिक्षण संस्था आहे असे प्रचित होते. त्यामुळे हया व्यक्तीची अशा भाषामुळे त्या संस्थेत प्रवेश घेतलेले विदयार्थी विदयार्थीनी यांच्या मनावर परिणाम होवू शकतो त्याच्या या अश्लिल भाषेमुळे त्याच्या संस्थेतील विदयार्थीनी सुरक्षीत असतील की नाही असा प्रश्न समाज मनाला 

पढणे सहाजीक आहे त्यामुळे या संस्थेवर तात्काळ प्रशासक नेमावा. तसेच सदरील ऑडिओ क्लिपमधून सबंधित व्यक्ती ही समोरील व्यक्तीला जिवे मारण्याची धमकी देत आहे. धमकी देत असताना ऑडिओ क्लिीप बारकाईने ऐकली असता एका महिलेचा आवाज येत आहे. यावरून असे प्रतित होते की, सदरील महिला त्या धमकी देणा-या व्यक्तीच्या आसपास उभा आहे. तरीसुध्दा त्या महिलेने सदरील व्यक्तीस बांबवण्यास कसलाच प्रयत्न केल्याचा दिसून येत नाही. म्हणजेच समाजाची अशी धारणा होते की, सदरील महिलासुध्दा या संपूर्ण अॅडिओ क्लिपच्या प्रकारात समाविष्ट आहे. सबब जातिवाचक तेढ निर्माण करणा-या या संबंधित व्यक्तींवर कायदेशिर कारवाई करावी. अन्यथा सकल मराठा समाजातर्फे तिव्र आंदोलन छेडण्यात येईल असा इशारा देण्यात आला आहे. निवेदन देते वेळी सकळ मराठा समाजाचे अनेक प्रतिनिधी उपस्थित होते.