जय महाराष्ट्र शिवजयंती उत्सव समितीतर्फे आज भव्य सोहळ्याचे आयोजन.सुप्रसिद्ध शिवशाहीर अरविंद घोगरे यांच्या जाज्वल्य पोवाड्याचे होणार सादरीकरण.

परळी वैजनाथ (प्रतिनिधी) हिंदवी स्वराज्य संस्थापक छत्रपती शिवाजी महाराज यांच्या जयंतीनिमित्त जय महाराष्ट्र शिवजयंती उत्सव समितीच्या वतीने भव्य उत्सवाचे आज सोमवारी आयोजन करण्यात आले आहे. या कार्यक्रमात महाराजांच्या प्रतिमेचे पूजन, भगव्या ध्वजाचे ध्वजारोहण, तसेच सुप्रसिद्ध शिवशाहीर अरविंद घोगरे यांच्या जाज्वल्य पोवाड्याचे सादरीकरण होणार आहे.

यावेळी राकेश चांडक, रघुनाथ फड आणि रमेश चव्हाण यांचा विशेष सन्मान करण्यात येणार आहे. तसेच, वैद्यनाथ भक्ती मंडळास स्वच्छता साहित्य भेट देऊन समाजसेवेचा आदर्श घालून दिला जाणार आहे.

हा उत्सव कृषी उत्पन्न बाजार समिती, मोंढा मार्केट येथे संध्याकाळी 6:35 वाजता सुरू होणार आहे. सर्व शिवभक्तांनी या सोहळ्यास मोठ्या संख्येने उपस्थित राहावे, असे आवाहन शिवजयंती उत्सव समितीचे संस्थापक अभयकुमार ठक्कर, जय महाराष्ट्र प्रतिष्ठानचे संस्थापक अध्यक्ष प्रा. अतुल दुबे, शिवजयंती उत्सव समितीचे अध्यक्ष मोहन परदेशी आणि कार्याध्यक्ष बबन ढेंबरे यांनी केले आहे. संपूर्ण शिवप्रेमी जनता, शिवभक्त व मातृभूमीवर निस्सीम प्रेम करणाऱ्या सर्वांना या ऐतिहासिक सोहळ्यात सामील होण्याचे आवाहन करण्यात येत आहे.