जिल्हाधिकारी राहुल रेखावार यांनी केली परळी उपजिल्हा रुग्णालयाची पाहणी.

परळी वैजनाथ दि. 31 

जिल्हाधिकारी राहुल रेखावार यांनी आज सोमवारी रात्री येथील उपजिल्हा रुग्णालयास भेट दिली. त्यांनी येथे केलेल्या विलगीकरण कक्षाची पहाणी करून व्यवस्थेबद्दल समाधान व्यक्त करून कोरोनाशी लढण्यासाठी सर्वांनी घरातच राहुन सहकार्य करावे असे आवाहन केले.

आज सोमवारी रात्री 9.30 वाजण्याचे सुमारास जिल्हाधिकारी राहुल रेखावार यांनी यांनी उपजिल्हा रुग्णालयास भेट देऊन सर्व व्यवस्थेची पाहणी केली तसेच कोरोनाच्या पार्श्वभूमीवर तयार करण्यात आलेल्या विलगीकरण कक्षाचीही त्यांनी पाहणी केली. यावेळी त्यांनी सर्व व्यवस्थेचा आढावा घेतला. यावेळी जिल्हा शल्य चिकित्सक डॉ. अशोक थोरात, उपविभागीय अधिकारी गणेश महाडिक, तहसिलदार डॉ. विपीन पाटील, न. प. मुख्याधिकारी डॉ. अरविंद मुंडे, उपजिल्हा रूग्णालयाचे वैद्यकीय अधिक्षक डाॅ. रामेश्वर लटपटे, नायब तहसीलदार बाबुराव रुपनर,तलाठी गंगाधर राजुरे आदी उपस्थित होते.

करोना हे मोठे संकट असले तरी आपण सर्व सज्ज आहोत. नागरिकांनीही घरात बसून या संकटाचा सामना करावा असे आवाहन जिल्हाधिकारी राहुल रेखावार यांनी केले