महाराष्ट्र राज्य पत्रकार संघ,दै समर्थ राजयोग आणि आश्रय सेवा केंद्र बीड यांच्या संयुक्त विद्यमाने आयोजित स्रीरत्न पुरस्कार जाहीर.जागतिक महिला दिनी होणार सन्मान.

स्त्री रत्न पुरस्कार 2025 चे सत्कार मुर्ती - सौ. प्राजक्ता सुरेश धस, श्रीमती निर्मला झुंबरलाल खटोड, सौ. चंपावती काकी कृष्णा पानसंबळ, डॉ. मीरा प्रशांत ढाकणे (नागरे), श्रीमती अनिता गौतम वाघमारे, सौ.रूपाली जयंत देशपांडे,सौ जयश्री विलास विधाते, सौ रुक्मिणी नवनाथ शिराळे, सौ प्रतिभा शिनगारे (शिंदे), सौ मेधा गोसावी (कुलकर्णी), सौ अरुणा हांप्रस, सौ दैवशाला सिरसट(भालेराव), श्रीमती द्वारका कांबळे, मसरत सुलताना बेगम, उम्मेहानी शेख, झीनत शेख यंदाच्या पुरस्काराचे मानकरी ठरल्या..!

बीड (प्रतिनिधी) महाराष्ट्र राज्य पत्रकार संघ,मुंबई दैनिक समर्थ राजयोग आणि आश्रय सेवा केंद्र बीड यांच्या संयुक्त विद्यमाने उद्या जागतिक महिला दिनाचे औचित्य साधून राज्यस्तरीय स्त्री रत्न पुरस्कार – 2025 चे वितरण मान्यवरांच्या प्रमुख उपस्थितीमध्ये होणार आहे. या कार्यक्रमाचा लाभ मोठ्या संख्येने घ्यावा असे आवाहन पत्रकार संघाचे प्रदेश संपर्कप्रमुख तथा संपादक वैभव स्वामी आणि कार्यक्रमाच्या आयोजक शेख आयेशा अध्यक्ष आश्रय सेवा केंद्र तथा संपादक लोकजगत यांनी केले आहे.

बीड येथील हॉटेल नीलकमलच्या तिसऱ्या मजल्यावरील प्रशस्त हॉलमध्ये जागतिक महिला दिनाचे औचित्य साधून दिनांक 8 मार्च 2025 रोजी सकाळी 11 वाजता राज्यस्तरीय स्त्रीरत्न पुरस्कार सोहळ्याचे आयोजन केले आहे. या शानदार सोहळ्याच्या अध्यक्षस्थानी निवासी जिल्हाधिकारी शिवकुमार स्वामी साहेब यांची विशेष उपस्थिती राहणार असून बीड विधान सभेचे आमदार संदीप भैया क्षीरसागर, आष्टी पाटोदा शिरूर मतदार संघाचे राज्यभर गाजत असलेले आमदार सुरेश धस यांच्या सुविध्य पत्नी सौ प्राजक्ता सुरेश धस, माजी आमदार अँड उषाताई दराडे यांच्या प्रमुख उपस्थितीत तसेच जिल्हा शल्य चिकित्सक डॉक्टर अशोक थोरात, उपविभागीय जिल्हाधिकारी सौ कविता जाधव, प्रकल्प संचालक डीआरडीए जिल्हा परिषदच्या संगीतादेवी पाटील, उपविभागीय पोलीस अधिकारी विश्वंभर गोल्डे,प्रशिक्षणार्थी पोलीस उपअधीक्षक पूजा पवार, जिल्हा माहिती अधिकारी प्रशांत दैठणकर, सार्वजनिक बांधकाम विभाग क्रमांक दोन चे प्रभारी कार्यकारी अभियंता कृष्णा पानसंबळ, बीडचे तहसीलदार चंद्रकांत शेळके, स्थानिक गुन्हे अन्वेषण विभागाचे पोलीस निरीक्षक उस्मान शेख आणि बीड पंचायत समितीचे गटशिक्षणाधिकारी समंदर खान या मान्यवरांच्या शुभहस्ते सत्कार मूर्तींना गौरवण्यात येणार आहे.सत्कारमूर्तींना शाल,एक झाड, पुष्पगुच्छ, सन्मानचिन्ह, सन्मानपत्र, आणि फेटा बांधून सन्मानित करण्यात येणार आहे.या दैदिप्यमान सोहळ्यास सत्कारमूर्तींच्या कुटुंबीयांनी, त्यांच्या आप्तेष्ट, मित्र परिवार, नातेवाईक तसेच या कार्यक्रमास तमाम पत्रकार बांधवांनी त्यांच्या कुटुंबियांनी पत्रकार प्रेमी नागरिकांनी उस्फूर्तपणे उपस्थित राहून कार्यक्रमाची शोभा वाढवावी असे आवाहन पत्रकार संघाचे प्रदेश संपर्कप्रमुख तथा दैनिक समर्थ राजयोगचे संपादक वैभव विवेक स्वामी तसेच आश्रय सेवा केंद्राच्या अध्यक्ष तथा लोकजगतच्या संपादक शेख आयेशा यांनी केले आहे.