शनिवारी (ता. ३१) अण्णासाहेब पाटील प्रतिष्ठानच्या वतीने व्यसनमुक्ती जनजागृती फेरी उपमुख्यमंत्री देवेंद्र फडणवीस यांच्या उपस्थितीत होत आहे. यावेळी ग्रामविकास मंत्री गिरीश महाजन, पालकमंत्री अतुल सावे आदींची उपस्थिती असेल.याची माहिती देण्यासाठी गुरुवारी (ता. २९) डॉ. ज्योती मेटे यांनी पत्रकार परिषद घेतली.
ज्योती मेटे म्हणाल्या, दिवंगत लोकनेते विनायक मेटे यांनी कायम व्यसनमुक्ती साठी पुढाकार घेतला. दरवर्षी ३१ डिसेंबरला व्यसनमुक्तीच्या प्रचारासाठी भव्य जनजागृती फेरी व संगीत रजनीचे कार्यक्रम होत. त्यांच्या पश्चात ही चळवळ पुढे सुरु ठेवत यंदाही शनिवारी शहरात सकाळी जनजागृती फेरी व सायंकाळी स्वर सुमनांजली कार्यक्रम होणार आहे. या कार्यक्रमासाठी उपमुख्यमंत्री देवेंद्र फडणवीस यांची उपस्थिती आम्हा सर्वांना नवीन उर्जा व बळ देणारी, उमेद वाढविणारी ठरेल.
आपण आज दिवंगत मेटेंची व्यवसमुक्तीची चळवळ पुढे नेत आहात पण दिवंगत मेटे यांनी कायम सामाजिक चळवळीला राजकीय बळ दिले. अनेक प्रश्न त्यांनी राजकीय व्यासपीठावरुन मांडले व सोडवणूक केले. आपण त्यांचे अधुरे स्वप्न पुर्णत्वासाठी वेगळी भूमिका घेणार का?
या प्रश्नावर त्या म्हणाल्या, दिवंगत मेटे यांचे राज्यभरात विस्तारीत कुटूंब असून ते एकसंघ आहे. तयांच्या पश्चात आपण आपल्या प्रशासकीय चौकटीत राहून प्रत्येकाच्या सुख-दु:खात सहभागी होत आहोत. आज प्रशासकीय चौकटीत काम करत असूनन भविष्यात देखील कालानुरुप व चौकटीत राहून निर्णय घेऊ असेही त्यांनी स्पष्ट केले.
No comments:
Post a Comment