मुस्लिम धर्मीयांचा पवित्र अशा रमजान सणाच्या पार्श्वभूमीवर कायदा-सुव्यवस्था अबाधित रहावी याकरिता पोलिस प्रशासनाच्या वतीने शांतता कमिटीच्या बैठकीचे आयोजन करण्यात आले. होते. या बैठकीस शहर पोलीस ठाण्याचे पोलीस निरीक्षक उमाशंकर कस्तुरे, संभाजीनगर पोलीस ठाण्याचे पोलीस निरीक्षक सुरेश चाटे, आदींनी मार्गदर्शन केले. या बैठकीत मुस्लिम बांधवांनी लाऊड स्पीकर व आवाजा संदर्भात अनेक मुद्दे उपस्थित केले. त्यांच्या प्रश्नांना पोलिस प्रशासनाच्या वतीने उत्तरे देण्यात आली.
यावेळी पीएसआय चाँद मेंडके, एपीआय भार्गव सपकाळ, पो.ना.समाधान भाजीभाकरे, पो.ना.रुपेश शिंदे आदीसह पोलीस बांधव उपस्थित होते. यावेळी शहर पोलीस ठाण्याचे पोलीस निरीक्षक उमाशंकर कस्तुरे व संभाजी नगर पोलीस ठाण्याचे पोलीस निरीक्षक सुरेश चाटे यांनी सर्व मुस्लिम बांधवांना रमजान ईद शांततेत पार पाडावे, कायदा-सुव्यवस्थेचा प्रश्न निर्माण होणार नाही याची खबरदारी घ्यावी. पोलिस प्रशासनाच्या सूचनांचे पालन करावे तसेच पोलीस प्रशासनास सहकार्य करावे असे आवाहन केले.
No comments:
Post a Comment