केज उपजिल्हा रुग्णालयातील कर्मचाऱ्यांचे वेतन वेळेवर मिळेना. आरोग्य उपसंचालकाकडे तक्रार.

केज (प्रतिनिधी) :- केज उपजिल्हा रुग्णालयातील कर्मचाऱ्यांचे मासिक वेतन वेळेवर मिळत नसल्याने त्यांना अनेक समस्यांना तोंड द्यावे लागत आहे त्रस्त ६१ आरोग्य कर्मचाऱ्यांनी आरोग्य उपसंचालकाकडे तक्रार केली आहे.

केज येथील उपजिल्हा रुग्णायलयातील ६१ आरोग्य कर्मचाऱ्यांनी दि. २१ जानेवारी रोजी आरोग्य उपसंचालक लातूर यांना एक सह्यांचे निवेदन दिले आहे त्या निवेदनात म्हटले आहे की, केज उपजिल्हा रुग्णालयातील कर्मचाऱ्यांचे वेतन वेळेवर होत नाही. त्यांना कधीही प्रत्येक महिन्याच्या २० तारखे नंतर किंवा त्या नंतर येणाऱ्या पुढल्या महिण्यात वेतन मिळते. त्यामुळे कर्मचाऱ्यांचीआर्थिक कुचंबना व मानसीक त्रास होत आहे. ज्या कर्मचाऱ्यांनी बँकेतुन गृह कर्ज, शैक्षणिक कर्ज किंवा वाहन कर्ज घेतले आहे; अशा कर्मचाऱ्यांचे बँकचे कर्ज हप्ते वेळेवर परतफेड केली जात नाही. त्यामुळे त्यांची बँकेतील पत कमी होत असुन त्यांच्यावर अतिरीक्त व्याज म्हणुन बँक त्यांच्या कडुन दंड वसुल करत आहे. पुन्हा त्यांना कुठलीही बँक कर्ज पुरवठा करण्यास तयार होत नाही. काही कर्मचाऱ्याचे पाल्य बाहेर गावी शिक्षणासाठी असल्यामुळे त्यांना आर्थीक मदत करण्यास विलंब होतो. त्यामुळे त्यांच्या शिक्षणावर परिणाम होत आहे. उपजिल्हा रुग्णालयातील सर्व कर्मचारी आपले काम व आपले योगदान मनोभावे करतात. अशा कर्मचाऱ्याची आर्थीक कुचंबना होत असेल तर त्यांच्यावर काम बंद करण्याची वेळ येईल. याला उपजिल्हा रुग्णालयातील वैद्यकिय अधिक्षक व कार्यालयीन कर्मचारी जवाबदार राहतील. असा इशारा दिला आहे.

निवेदनावर सय्यद नासेर, प्रितम गोदाम, पोपळघट, ठोंबरे, आयेशा शेख, कांदे, पतंगे, ठोंबरे, कावेरी, मोटेगावकर, राऊत, मुंडे, बाराते, लोखंडे, जाधव, टेकाळे, काठवते,ओव्हाळ, राठोड, गवळी, लोंढे, देशमुख, क्षिरसागर, कुलकर्णी, जाधव, कदम, इनामे, राऊत, उगले यांच्यासह ६१ कर्मचाऱ्यांच्या स्वाक्षऱ्या आहेत.