मोठी बातमी! १० वी आणि १२ वीच्या परीक्षा होणार का? महत्वाची माहिती.

मुंबई (प्रतिनिधी) देशात कोरोनाचा नवीन व्हेरिएंट असलेल्या ओमिक्राॅनचा संसर्ग वाढला असून अनेक राज्यांमध्ये मिनी लाॅकडाऊन जाहीर केल्यानंतर शनिवारी महाराष्ट्र सरकारानेही नवे निर्बंध लागू केले आहेत.यामध्ये शाळा, महाविद्यालये 15 फेब्रुवारीपर्यंत बंद ठेवण्यात आली आहेत. फक्त दहावी आणि बारावीचे वर्ग सुरु ठेवण्यास परवानगी देण्यात आली आहे. त्यामुळे दहावी-बारावीच्या परीक्षांबाबत संभ्रम निर्माण झाला आहे.

10 वी आणि 12 वी च्या बोर्डाच्या परीक्षा होणार की नाही याबाबत पालक आणि विद्यार्थ्यांमध्ये संभ्रम आहे. परंतू राज्य माध्यमिक शिक्षण मंडळाने याबाबत खुलासा केला आहे.

कोरोनाच्या वाढत्या संसर्गामुळे यावर्षीदेखील परीक्षा पुढे ढकलल्या जातात का? की वेळापत्रकानुसारच होणार याबाबत पालक, शिक्षक आणि विद्यार्थ्यांमध्ये संभ्रम आहे. त्यामुळे 10 वी आणि 12 वीच्या परीक्षा वेळापत्रकानुसारच होणार असल्याचं शिक्षण मंडळाने स्पष्ट केलं आहे.