बीड (प्रतिनीधी ) - वाढत्या कोरोना रुणसंख्येमुळे ऑक्सीजनची कमतरता भासत असल्याने जिल्हा शल्यचिकित्सक डॉ. अशोक थोरात यांच्या पुढाकारातून जिल्हा रुग्णालयाने स्वत: ऑक्सीजन तयार करण्याचा प्लान्ट तयार करून तो आज महात्मा गांधी यांच्या जयंतीचे औचीत्य साधून त्याची सुरुवात केली आहे. हा प्लान्ट आजपासून कार्यान्वित होत असून एका प्लान्टमधून दररोज 6 लाख लिटर ऑक्सीजन निर्मिती होत आहे. बीड जिल्हा रुग्णालय या ठिकाणी 6 लाख लिटर प्रत्येक दिवशी या प्लान्टमधून ऑक्सीजन निर्माण करणार असून बीड जिल्हा रुग्णालयातील प्लान्टसोबतच लोखंडी सावरगाव या ठिकाणी एक हजार बेडचे जे कोविड सेंटर उभारण्यात आले आहे त्या ठिकाणीही याच धर्तीवर ऑक्सीजन प्लान्ट उभा करण्यात आला आहे. अंबाजोगाई येथील स्वामी रामानंद तीर्थ वैद्यकीय महाविद्यालय या ठिकाणीही 6 लाख लिटर क्षमतेचा ऑक्सीजन प्लान्ट आज कार्यान्वित होत आहे. एकूण तीन ठिकाणी या प्लान्टमुळे प्रत्येक दिवशी 18 लाख लिटर ऑक्सीजनची निर्मिती होणार आहे. त्यामुळे कोरोना रुग्णांसाठी या ऑक्सीजनचे महत्वपूर्ण योगदान राहणार आहे
No comments:
Post a Comment