राष्ट्रीय महामार्ग क्रमांक 52 वरील धाब्याजवळ आढळला अनोळखी पुरूष जातीचा मृतदेह.

* अनोळखी इसमाची ओळख पटल्यास गेवराई पोलिस ठाण्याशी संपर्क साधावा -: पोलीस प्रशासनाचे आवाहन.

गेवराई (प्रतिनिधी )-:

राष्ट्रीय महामार्ग क्रमांक 52 रोडच्या नाली लगत साई धाब्याजवळ एका पुरूष जातीचे अनोळखी मृतदेह शुक्रवार दि. 31 रोजी सकाळी अकराच्या सुमारास आढळला असून हा मृतदेह कोणाचा आहे याचा अद्याप तपास लागला नसून ज्यांना याची ओळख पटेल त्यांनी गेवराई पोलीस ठाण्यात संपर्क करावा असे आवाहन गेवराई पोलिस प्रशासनाकडून करण्यात आले आहे.

या बाबत मिळालेली माहिती अशी की, गेवराई पोलिस ठाणे हद्दीत राष्ट्रीय महामार्ग क्रमांक 52 रोडच्या नालीची साफसफाई करत असताना साई धाब्याजवळ रोडच्या पश्र्चिम बाजूस रोडच्या नाली लगत एरंडाच्या झाडांमध्येआय.आर.बी काम करणाऱ्या कामगारांना एक पुरुष जातीचे अनोळखी मृतदेह शुक्रवार दि.31 रोजी सकाळी अकराच्या सुमारास आढळून आले. त्यांनी सदरील माहिती गेवराई पोलिसांना कळविली पोलिसांनी घटनास्थळी धाव घेऊन घटनेचा पंचनामा केला. व आजुबाजुला काही मिळते का याचा शोध घेतला ओळख पटेल असा पुरावा काहीच आढळून आला नाही. हा मृतदेह कोणाचा आहे अद्याप शोध लागला नसून ह्या इसमाचा रंग सावळा, उंची साडेपाच फूट, शरिर बांधा मजबूत, सरळ नाक, काळे डोळे, केस काळे व समोरील बाजूस टक्कल पडलेले, अंगात निळ्या रंगाची जिन्स पॅन्ट, पांढरा व जांभळ्या रंगाचा टि शर्ट, कमरेला काळ्या रंगाचा बेल्ट, हाफ पांढरे रंगाचे बनियन असून ज्या व्यक्तीला या इसमाची ओळख पटेल त्यांनी 9970843420 किंवा गेवराई पोलिस ठाण्यात संपर्क साधावा असे आवाहन गेवराई पोलिस प्रशासनाकडून करण्यात आले आहे.