कोरोना विषाणुवर प्रतिबंधनासाठी शिल्लक असलेल्या वित्त आयोगाच्या निधीतून उपायोजना कराव्यात ;- भाजप नेते राजेश गित्ते.

*जिल्हा परिषदेचे मुख्य कार्यकारी अधिकारी यांना दिले निवेदन 

परळी वैजनाथ (प्रतिनिधी) :- कोरोना प्रादुर्भाव रोखण्यासाठी बीड जिल्ह्यातील शिल्लक असलेला वित्त आयोगाच्या निधीतून उपायोजना करण्यासाठी खर्च करावा अशी मागणी जिल्हा परिषदेचे मुख्य कार्यकारी अधिकारी यांच्याकडे एका निवेदनाव्दारे बीड जिल्हा परिषदेचे जल व्यवस्थापन व स्वच्छता समितीचे सदस्य तथा भाजपाचे युवा नेते राजेश गित्ते यांनी केली आहे. 

       याबाबत दिलेल्या निवेदनात म्हटले आहे की, करोना विषाणूचा प्रतिबंध करण्यासाठी 21 दिवस संपूर्ण देश आणि राज्य लाॅक डाऊन करण्यात आले आहेत करोना पासून जनतेला सुरक्षित ठेवण्यासाठी शासन सर्वतोपरी प्रयत्न व विविध स्थरावर जाऊन तात्काळ. गतीने उपायोजना करीत आहे. कोविड-19 विषाणूचा प्रादुर्भाव रोखण्यासाठी उपाययोजना म्हणून शासनातर्फे प्रत्येक ग्रामपंचायतच्या खात्यात वित्त आयोग या शिर्षकाखाली निधी दिला जातो. हा निधी गाव अंतर्गत उपस्थितीत होणाऱ्या अडीअडचणी, समस्येवर. खर्च केला जातो. या वर्षीचा 2019-20 या चालू आर्थिक वर्षीतील शिल्लक असलेल्या निधी कोरोनाच्या उपाययोजनेसाठी व जनजागृती संबधीत गावात निर्जंतुकीकरण औषधाची फवारणी व स्वच्छतेसाठी ग्रामपंचायतींना खर्च. करण्यासाठी परवानगी देण्यात यावी तसेच 2020 व 21 चा 15 वित्त आयोग या वर्षीचा अँडव्हान्स निधी उपलब्ध करून घावा अशी मागणी करण्यात आली आहे.      

    कोरोना विषाणूचा प्रादुर्भाव रोखण्यासाठी केंद्र आणि राज्य शासनाच्या वतीने आवश्यक ती पाऊले उचलली जात आहेत. बीड जिल्हा आपत्ती व्यवस्थापन विभागाच्या वतीने तसेच जिल्हाधिकारी यांचे मार्गदर्शनानुसार जिल्हा परिषदेच्या करण्यात येत आहेत. याचा एक भाग म्हणून बीड जिल्हा परिषदेचा शिल्लक असलेला वित्त आयोगाचा निधीच्या माध्यमातून 

 कोरोनाच्या प्रादुर्भाव रोखण्यासाठी व याबाबत जनजागृती, स्वच्छता,औषध फवारणी इत्यादी प्रतिबंधात्मक उपाययोजना करण्यासाठी बीड जिल्ह्यातील ग्रामपंचायतीच्या ग्रामसेवकांना स्वच्छता मोहीम राबवून कोरोना गो करण्यासाठी तात्काळ निर्देश देऊन 

परवानगी घ्यावी अशी मागणी राजेश गित्ते यांनी केले आहे. या मागणीच्या मा.मुख्यमंत्री उध्दव ठाकरे साहेब, ग्रामविकासमंत्री हसन मुश्रीफ, पालकमंत्री धनंजय मुंडे, माजी ग्रामविकासमंत्री पंकजाताई मुंडे, खासदार बीड, खा.डॉ.प्रितमताई मुंडे, जिल्हाधिकारी बीड राहुल रेखावार यांना ईमेल व्दारे प्रति पाठविण्यात आल्या आहेत.